Basileia Anedia ese Lalo E Hagoadamu

Paulo bona Sila na dibura ruma ai e nohova neganai, Dirava ihanamona anedia e abi. (Ka 16:25) Hari ina negai, ita tadikakada bona taihuda haida na Sachsenhausen dibura kamepana Germany ai bona Siberia e laohaidia neganai, Basileia anedia e abiva. Unu sivarai ese e hahedinaraimu, ane na mai siahudia hahetoho e davarimu Kristen taudia lalodia e hagoadamu.

Kahirakahira, gado ma haida ai ane bukana matamatana ladana, “Sing Out Joyfully” to Jehovah be halasiamu. Eda kope ta baita abia neganai, eda ruma bese ena tomadiho ai ane baita abi, unu amo ane herevadia baita lalotao. (Ef 5:19) Bena hahetoho baita davari negadiai, lauma helaḡa ese baine duruda diba baita lalodiatao totona. Basileia anedia ese bae duruda diba eda helaro basita haboioa. Hahetoho ta davarimu neganai laloda bae hagoada diba. Bona ta moalemu negadiai, unu ane edia hahegoada herevadia ese bae duruda diba “moale” anedia baita abi totona, badina eda hemami na namo. (1Si 15:16; Sa 33:1-3) Namona na eda Basileia anedia na baita manadalai!

VIDIO LADANA A SONG THAT INSPIRED LABORERSBA ITAIA. BENA INI HENANADAI BA HAERELAI:

• Dahaka dainai Tadikaka Frost ese ane ta e torea?

• Edena dalai una ane ese tadikaka taihu Sachsenhausen dibura kamepana ai e durudia?

• Ededia negai Basileia anedia ese bae durumu diba?

• O uramu ededia Basileia anedia ba lalotao?