KAHA 5

Noa Ena Negai Daidia E Kamonai Bona Daidia Asie Kamonai?

Noa ena negai, momo na kara dikadia e karava. Genese 6:5

Aneru dikadia na tanobada tauanidia e abi bona hahine e adavadia

Adam bona Heva ese natudia e havara, bona taunimanima hutuma tanobada ai e nohova. Gabeai, aneru haida na Satana ena kahai e gini bona Dirava e gwau-edeede henia.

Unu aneru na tanobada e diho mai bona tanobada tauanidia e abi, unu amo hahine bae adavadia diba. Unu hahine na natudia e havaradia; idia na taunimanima ğağau-babadadia, mai goadadia bona mai dağedağedia.

Hahine ta na beibi ta e rosia bona mero maraḡina ta ese e uramu baine alaia; Nefilim, aneru dikadia natudia, na daḡedaḡe karadia e karamu

Tanobada ai kara dika taudia na e hutuma e laova. Baibel na e gwaumu: “Iehova ese taunimanima edia kara havara e itaia, vada e bada herea tanobada ai, edia lalo-hadai iboudiai danu didika.”

Noa ese Dirava e kamonai henia bena lagatoi e karaia. Genese 6:13, 14, 18, 19, 22

Noa na tau namona. Iehova ese Noa e hamaoroa, Ia na utu-utu badana ta amo kara dika taudia baine haoredia.

Noa bona ena ruma bese na lagatoi e karaiamu

Dirava ese Noa ma e hamaoroa lagatoi ta, maua latana ta na heto, baine karaia, bona unuseniai ena ruma bese bona animal idauidau baine hakaudia vareai.

Noa na taunimanima ediai Abata baine vara sivaraina e harorolaiamu to idia ese e kirikirilaiamu

Noa ese taunimanima e hadibadiava Utu-utu badana baine kau, to asie kamonaiva. Haida ese Noa e kirikirilaiava, bona ma haida ese e inai heniava.

Noa bona ena ruma bese na animal e haboudiamu lagatoi ai bae vareai

Noa ese lagatoi e haorea neganai, animal e hakaudia vareai.