KAHA 6

Noa Ena Negai E Vara Karadia amo Dahaka Ta Dibaiamu?

Dirava ese kara dika taudia e hamasedia, to Noa bona ena ruma bese e hamauridia. Genese 7:11, 12, 23

Lagatoi na e huremu, kara dika taudia e maloamu, bona gwau-edeede anerudia na tanobada tauanidia e rakatani

Dina 40 hanuaboi 40 lalodiai medu e dihova, bona tanobada idoinai ranu ese e koua. Kara dika taudia iboudiai e mase.

Gwau-edeede anerudia na tanobada tauanidia e rakatanidia bena demoni ai ela.

Noa, iena ruma bese, bona animal na lagatoi amo e lasi bona kevau e hedinarai guba ai

Lagatoi lalonai e nohova taudia na e roho mauri. Ena be lağani momo murinai Noa bona ena ruma bese na e mase, to gabeai, Dirava ese baine hatoredia isi lou bena bae mauri hanaihanai.

Dirava ese kara dika taudia baine hamasedia, to kara namo taudia baine hamauridia. Mataio 24:37-39

Satana bona ena demoni na dala idauidau ai taunimanima e hakaudia kereremu

Satana bona demoni na doini taunimanima e koidiamu.

Noa ena nega na heto, hari ina negai, taunimanima momo na Iehova ena hahekau hereva namodia e dadaraimu. Kahirakahira, Iehova ese kara dika taudia iboudiai baine haoredia.—2 Petro 2:5, 6.

Iehova ena Witnes taudia na Baibul amo tau ta e haroro heniamu; tau ta na Baibul e duahiamu

Taunimanima haida na Noa heğereğerena. Idia na Dirava e kamonai heniamu bona Iena ura karadia e karamu; idia na Iehova ena Witnes taudia.