STADI 11

Mai Lalomu Idoinai ida Tok Ba Heni

Roma 12:11

LALOHADAI BADANA: Mai goadamu ida tok ba heni neganai, kamonai taudia ba hagoadadia.

Mai lalomu idoinai ida ba heḡaeḡae. Emu tok o heḡaeḡaelaiamu neganai, tok ai mai anina bada ḡauna ba laloa dobu. Emu tok ibounai ba dibaia namonamo, unu amo mai lalomu idoinai ida anina ba herevalaia namonamo diba.
Kamonai taudia ba lalodia. Ba duahi o ba hahedibalai herevadia ese haida ede be durudia tomamu daladia na ba meditate o ba lalohadailai. Bona unu hereva ba halasi daladia danu ba lalo, badina o uramu kamonai taudia ese bae moalelaia bada.
Emu tok ba hamauria. Mai goadamu ida tok ba heni. Imamu ba hamarere daladia o vairamu toadia amo emu hemami ba hahedinaraia.

Imamu ihamarerena karana o same gesture iḡaukaralai loulou karana ese taunimanima edia kamonai karana baine hadikaia diba. Imamu na nega maorodia ai ba hamarerea. Bema o uramu point badadia ba hahedibalai bona kamonai taudia ba durudia kara ta bae karaia, namona na mai goadamu ida tok ba heni. Dia namo emu tok idoinai lalonai mai goadamu ida ba hereva bena kamonai taudia bae hesiku.