STADI 18

Kamonai Taudia Ba Durudia Ḡau ta Bae Dibaia

1 Korinto 9:19-23

LALOHADAI BADANA: Kamonai taudia ba durudia emu tok ena topik bae laloa, bona bae mamia idia na mai anina bada ḡauna ta vada e dibaia.

Kamonai taudia mai dibadia ḡaudia ba lalo. Idia ese idaunegai e kamonai tok ba herevalaia lou na asi ena kerere, to ba durudia una tok ena point matamatana bae dibaia totona.

Point gunadia na ba gwaurai haraḡa diba, to point matamatadia na ba gwaurai metairametaira.
Ba hetahu bona ba lalohadai. Lalohadai badadia ihaheitalaidia totona, point gunadia eiava sivarai matamatadia momo basio gwaurai. To unu ese emu tok bae durua daladia ba lalohadailai namonamo.

Emu tok o hetahulaiamu lalonai, sibomu lalomu ai ini ba henanadai toma, ‘dahaka, badina be dahaka, edena negai, edeseni ai, daika, bona edena dala ai.’ Unu henanadai haida na emu tok idoinai lalonai ba gwauraidia lou eiava ba haerelaidia, unu amo emu tok ba hamauria bamona.
Ba hahedinaraia emu tok na mai anina bada. Baibul siri ena point idauidau ese kamonai taudia baine durudia hanaihanai diba dalana ba hahedinaraia. Kamonai taudia baine durudia diba ḡaudia, lalohadaidia, bona karadia haida ba gwaurai diba.