Oi Mai Dibamu, A?

Ierusalem dubuna ai animal e hoihoilaiva taudia e gwauraidia “dadidadi taudia” be maoro, a?

MATAIO ena Evanelia bukana ai ini e gwau toma: “Iesu Dubu Helaḡa ai e raka vareai, bena unuseni ai e hoihoiva taudia iboudiai e luludia lasi, moni e senisi taudia edia pata bona pune e hoi taudia edia helai ḡaudia e uhe hebubu. E gwau henidia, eto, Vada e torea, Egu ruma na ḡuriḡuri rumana bae gwauraia; to umui ese dadidadi taudia edia kohua ai ome halaoa.”​—Mat. 21:12, 13.

Iuda edia histori bukadia ese e hahedinaraimu, dubu ai e hoihoiva taudia ese edia kohu davadia na e habadava, unu amo taunimanima e koidiava. Heḡereḡere, Iuda edia buka gunadia haida ese laḡani 50 C.E. heḡereḡerenai e vara ḡauna e herevalaia, una negai bae bouboulai pune rua davadia na e dae golo denari ta. Una na reana hesiai tauna ta dina 25 lalodiai baine ḡaukara davana heḡereḡerena. Ogoḡami taudia ese kerea eiava pune bae bouboulai diba; to unu manu davadia na babada heherea dainai, bae hoi na dia heḡereḡere. (Lev. 1:14; 5:7; 12:6-8) Rabi tauna, Simeon ben Gamaliel ese una kara na se moalelaia, una dainai ia ese Iuda taudia bae heni boubou ḡaudia na e hamaraḡidia. Anina na ta na hora toi baine ḡaukara pune rua baine hoi totona.

Una ese e hahedinaraiamu, dubu ai hoihoi taudia na edia mataḡaniḡani bona koikoi karadia dainai Iesu ese e gwauraidia “dadidadi taudia” na maoro.