Pepapepa amo Haroro Herevadia Ba Hamatama Daladia

January 2018 amo, Eda Kristen Mauri Bona Hesiai Ḡaukara​—Hebou Pepana ena rau 1 ai haroro herevadia ta itamu. Una ese ita e hagoadada, pablikeisin mo basita hariharilai, to taunimanima ida baita herevahereva na mai anina bada. Pablisa idurudia totona, vidio ese e hahedinaraimu edena dala ai Baibul amo haroro herevana ta baita hamatamaia. To, anina be ruma-ta-ruma-ta ai haroro ḡaukara ta karamu neganai, pablikeisin baita hariharilai be taravatu, a? Lasi, baita hariharilai na asi taravatuna! Heḡereḡere, pepapepa amo haroro herevana baita hamatamaia diba. Pepapepa ta baita hariharilaia neganai, namona na ina dala ta baita badinaia diba:

1. Pepapepa vairana kahanai e hetore henanadai ba duahia.

2. Pepapepa ena rau 2 atai kahanai e hetore siridia ai Baibul ena haere ba hahedinaraia. Bema nega taina bada, pepapepa lalonai infomeisen ba duahi bona anidia taidia ba herevalai.

3. Pepapepa na ruma tauna ba henia, bona ba hagoadaia ena ura negana ai baine duahia.

4. Ruma do so rakatania lalonai, “Mani A Laloa” kahanai henanadai ba hahedinaraia, bona ba noia gabeai ba lou henia, Baibul ena haere ba herevalaia.

Ba lou henia neganai, haere ba herevalaia bena henanadai ma ta ba rakatania gabeai ba lou henia totona. Reana iseda websait ai o pablikeisin muridiai e hetoremu henanadaina ta ba gwaurai henia. Bena nega maorona ta ai, oi ese Sivarai Namodia Dirava Amo! buklet eiava iseda Hahediba Toolbox amo stadi pablikeisin ta bavabia hidi bena ruma tauna ida ba herevalaia.