Haroro Daladia Kahana Ba Ḡaukaralaia Dalana

Haroro daladia kahadia bae heḡaeḡaelai totona, tadikaka na nega bada herea e ato, bona pablisa momo ese e davaria edia teritori ai unu haroro daladia e ḡaukaralai neganai momo na e kamonai. To, tanobada heḡeḡemadai ai noho daladia na idauidau dainai, pablisa na edia teritori heḡereḡerena ai edia hesiai ḡaukara ai dala idaudia bona topik idauidau bae ḡaukaralai diba. To momokani, spesol kampein negadiai hari, ita iboudai ese e gwaurai daladia baita badina na namo. Eda ura badana na, Iesu ena haheḡani, Basileia sivaraina namona baita harorolaia ḡaukarana, baita haḡuḡurua.​—Mt 24:14.

Bema kongrigeisin ai ta na mai ena stiuden asainmen, namona na ia ese Mauri Bona Hesiai Ḡaukara Hebou Pepana ai e atomu haroro daladia baine badinaia. To, bema una hebou pepana ai bae hahedinaraia ena teritori heḡereḡerena ai henanadai ta, siri ta, link ta, eiava bae karaia dalana baine ḡaukaralaia diba, namona na una baine badinaia. Ina hahekau herevana ese June 2020 ena hebou pepana rau 8 ai e tore hahekau herevana na e hamatamataiamu.