STADI 2

Herevahereva Dalanai

2 Korinto 2:17

LALOHADAI BADANA: Dina ta ta ai o herevamu dalanai emu tok ba heni, unu amo ba hahedinaraia oi na emu topik bona kamonai taudia o lalodia badamu.

Mai ḡuriḡurimu ida ba heḡaeḡae namonamo. Ba ḡuriḡuri Dirava ese dia oi mo baine durumu, to emu tok ba lalopararalaia totona. O uramu ba hahedinarai point badadia ba lalohadailaidia. Oi sibomu emu hereva dalana amo lalohadai badadia ba gwaurai hedinarai; dia namo pepa ai e hetore herevadia mo ba duahidia.

Baibul o pablikeisin ma ta ba duahia neganai, ba duahia sivaraina ba diba namonamo guna na namo, unu amo ba duahia namonamo diba. Bema tau ta ena hereva na pepa ai hetore, iena hereva na mai hemamina ida ba duahia, to drama actor ta bamona basio duahi.
Mai lalomu idoinai ida ba hereva. Taunimanima ese tok bae kamonai henia badina na ba laloa guna. Oibe, kamonai taudia ba lalodia. Unu amo ba gini dalana, imamu ba hamareredia daladia, bona vairamu toana ese bae hahedinaraia, oi na mai lalomu idoinai ida o herevamu bona oi na idia turadia.

Emu herevahereva dalanai tok ba heni anina na dia ura herevadia idauidau ba gwauraia. Lasi, anina na emu tok na hemataurai dalanai ba heni, to danu, udumu ba kehoa namonamo bona grama maorona ba ḡaukaralaia.
Kamonai taudia ba itadia. Unu ba kara toma bema o laloamu una na namo. Tok ba heni neganai, kamonai taudia iboudiai basio itadia, to idia ta ta ba itaia.