Program Reynion Servis
Semenn Apartir 10 Fevriye
Kantik 4
10 min: Anons lokal ek bann anons apropriye dan Nu Minister DiRwayom. Dan semenn 24 Fevriye pu ena enn size lor kaset video Faithful Under Trials—Jehovah’s Witnesses in the Soviet Union. Ankuraz tu dimunn pu get sa kaset la dan kad zot preparasyon. Ankuraz zot tu pu lir let Kolez Santral kot zot.
35 min: “Prese ek Donn enn Temwaynaz Konple.”a Size prezante par sirveyan servis. Ankuraz tu seki kapav, pu fer pyonye oxilyer an Mars ek Avril. Invit bann ki ti fer pyonye lane pase dan peryod Memoryal, pu fer detrwa komanter. Kuma eski zot ti organiz zot? Ki zefor sa finn demann zot ek ki bann sanzman zot ti bizin fer? Ki bann lazwa ek benediksyon zot ti gayne? Egzaminn lankadre lor paz 4, kot ena diferan program pu fer pyonye oxilyer. Fer kone ki apre reynion bann ki swete, kapav gayn bann form aplikasyon pu fer pyonye oxilyer.
Kantik 30 ek lapriyer final.
Semenn Apartir 17 Fevriye
Kantik 48
10 min: Anons lokal. Rapor kont. Avek bann lide ki ena lor paz 8, fer de demonstrasyon pu prezant Latur Degard 15 Fevriye ek Réveillez-vous ! 22 Fevriye. Dan tulede ka, bann proklamater bizin ofer enn Latur Degard ek enn Réveillez-vous ! ansam, mem si zot atir latansyon lor enn sel.
15 min: “Eski U Kapav Ofer U Lakaz?” Diskur par enn sirveyan letid liv. Azut bann komanter ki ena dan size Kestyon Ki Suleve dan Nu Minister DiRwayom Avril 2001 an Kreol ek an Franse ek Me 1990 an Franse. Mansyone ki kantite letid liv ena dan kongregasyon ek mwayenn lasistans. Invit enn uswa de proklamater pu dir ki profi zot ek zot fami tire kan fer letid liv kot zot. Ninport kisannla ki anvi ofer so lakaz pu fer letid liv, bizin fer sirveyan prezidan kone.
20 min: “Ki U Priyorite?”b Fer enn uswa de proklamater prepar zot alavans pu dir kuma zot finn reysi organiz zot pu fer plis dan predikasyon.
Kantik 57 ek lapriyer final.
Semenn Apartir 24 Fevriye
Kantik 74
10 min: Anons lokal. Dir ki piblikasyon nu pu ofer an Mars. Sit enn uswa de lide ki ena dan sipleman Nu Minister DiRwayom Zanvye 2002 lor fason prezant liv Konesans. Insiste lor lobzektif pu kumans bann letid Labib. Rapel bann proklamater pu remet zot rapor pu Fevriye.
10 min: “Led dan Ler Ki Bizin.” Diskur par enn ansyin. Montre kuma sa zefor spesyal ki pe fer pu ed bann ki nepli aktif, reflet lintere ranpli ar lamur ki Zeova ena pu so pep.
25 min: “Enn Kaset Video Ki Pu Ekler U, Tus U Buku, ek Motiv U.” Kumans deswit par kestyon ek repons. Servi bann kestyon ki ena dan size lor kaset video Faithful Under Trials. Diviz byin u letan pu sak parti, pu ki plizir dimunn kapav reponn dernye kestyon. Dan u konklizyon, lir ‘Rapor enn Sirveyan Sirkonskripsyon, an 1958’ ki paret dan enn lankadre lor paz 192 dan l’Annuaire 2002: “Sityasyon byin difisil. Bann frer kapav sezi kan zot aprann ki anviron dis manb enn organizasyon bann zenn kominis pe espyonn preske zot tu. San konte, ena usi bann vwazin tret; bann fos frer; enn kantite polisye partu; bann kondanasyon ki kapav al ziska 25 an dan prizon uswa dan bann kan konsantrasyon; legzil an Siberi; travay forse tutlong lavi; ek defwa long detansyon dan bann selil prizon byin nwar. Tusala kapav ariv enn kikenn ki uver so labus pu dir zis detrwa mo lor Rwayom Bondye. Me malgre sa, bann proklamater pa per. Zot lamur pu Bondye Zeova pena limit. Zot ena mem latitid ki bann anz, ek zot pa bann ki abandonn lalit. Zot kone ki zot pe fer travay Zeova ek sa pu bizin kontiyne ziska viktwar final. Bann frer kone pu kisannla zot pe res fidel. Sufer pu Zeova li enn lazwa pu zot.”
Kantik 56 ek lapriyer final.
Semenn Apartir 3 Mars
Kantik 14
10 min: Anons lokal. Avek bann lide ki ena lor paz 8, fer de demonstrasyon pu prezant Latur Degard 1 Mars ek Réveillez-vous ! 8 Avril. Dan tulede ka, bann proklamater pu ofer enn Latur Degard ek enn Réveillez-vous ! ansam, mem si zot atir latansyon lor enn sel. San rant dan buku detay, egzaminn “Enn Nuvo Dispozisyon pu Biblyotek Lasal DiRwayom.” Mansyone kisannla ki pu okip biblyotek Lasal DiRwayom.
15 min: Bezwin lokal.
20 min: “Gard Zot Kapasite pu Rezone Amezir ki Lafin Pe Koste.”c Kan finn ariv paragraf 3-4, invit bann proklamater pu dir lor ki bann lobzektif zot pe travay. Azut bann komanter ki ena lor paz 176 dan liv Ador Bondye.
Kantik 127 ek lapriyer final.
[Not anba paz]
a Lintrodiksyon mwins ki enn minit ek apre sa, egzaminn lartik la par kestyon ek repons.
b Lintrodiksyon mwins ki enn minit ek apre sa, egzaminn lartik la par kestyon ek repons.
c Lintrodiksyon mwins ki enn minit ek apre sa, egzaminn lartik la par kestyon ek repons.