Program Reynion Servis
Semenn Apartir 14 Zilyet
Kantik 56
10 min: Anons lokal, Nuvel Teokratik ek bann anons ki ena dan Nu Minister DiRwayom.
15 min: Parski Nu Ador Zeova, Kuma Eski Nu Lavi Ena Plis Sans? Partisipasyon avek lasistans. Vre ladorasyon li byin inportan pu nu ena enn lavi ere ki ena enn sans. (1) Li ed nu pu fer fas ar bann problem ek bann traka dan lavi. (Fil. 4:6, 7) (2) Li ankuraz nu pu devlop bann kalite ki fer Bondye plezir. (2 Pyer 1:5-8) (3) Li ed nu pu servi nu letan ek nu bann dibyin dan meyer fason ki kapav. (1 Tim. 6:17-19) (4) Li donn nu enn lespwar sir pu lavenir. (2 Pyer. 3:13) (5) Li ed nu pu devlop enn relasyon byin pros avek Zeova. (Zak 4:8) Montre kuma bann dimunn ki pa konn ek pa servi Zeova mank tu sa bann kitsoz la.
20 min: “Rekonesans pu Mizerikord Bondye.”a Kan pe egzaminn paragraf 3, donn bann sigzesyon lor kuma kumans enn turne peryodik. Nu kapav truv sa bann sigzesyon la dan Notre ministère du Royaume Oktob 1998, paz 8. Demann enn uswa de proklamater kapab ki metod zot finn truv efikas pu kumans bann letid Labib. Ankuraz zot tu pu fixe zot lobzektif pu kumans ek kondir enn letid Labib.—omF paz 91-2.
Kantik 176 ek lapriyer final.
Semenn Apartir 21 Zilyet
Kantik 184
10 min: Anons lokal. Rapor kont. Avek bann lide ki ena lor paz 4, fer de demonstrasyon realis lor kuma pu prezant Latur Degard 15 Zilyet ek Réveillez-vous ! 22 Zilyet dan teritwar. Dan tulede ka, bann proklamater bizin ofer enn Latur Degard ek enn Réveillez-vous ! ansam, mem si zot atir latansyon lor enn sel.
10 min “Nuvo Program Lasanble Sirkonskripsyon.” Diskisyon ek partisipasyon lasistans. Anons dat prosin lasanble sirkonskripsyon. Si kongregasyon pu ena so lasanble dan detrwa mwa, mansyone ki tu bann ki anvi batize bizin fer sirveyan prezidan kone. Ankuraz zot tu pu fer enn zefor spesyal pu invit bann etidyan Labib ek pu prezan pu tu bann sesyon.
25 min: Imit Kuraz Ki Bann Zapot ek Bann Premye Disip Ti Ena pu Prese. Diskisyon avek lasistans baze lor liv Ador Sel Vre Bondye, paz 170-1. Invit lasistans pu reponn bann kestyon ki poze pu paragraf 7 ek inklir bann tex ki mansyone dan zot komanter. Lir detrwa tex ki u’nn swazire. Atir latansyon lor bann leson ki nu kapav aprann dan sa bann resi la ek kuma sa kapav ed nu pu ena enn bon pwindevi lor misyon ki nu’nn gayne pu fer, setadir prese.
Kantik 201 ek lapriyer final.
Semenn Apartir 28 Zilyet
Kantik 45
10 min: Anons lokal. Rapel bann proklamater pu donn zot rapor pu mwa Zilyet. Mansyonn piblikasyon ki pu ofer pu sa mwa la. Fer enn uswa de demonstrasyon byin kurt lor kuma pu prezant sa piblikasyon la. Montre linportans pu servi piblikasyon ki ofer sak mwa. Demann bann proklamater pu byin prepar zot pu sa. Zot kapav pran zot piblikasyon lor kontwar piblikasyon.
15 min: Bezwin lokal.
20 min: “Temwaynaz an Grup Fer Nu Gayn Lazwa.”b Kan pe egzaminn paragraf 3, azut bann komanter ki truv dan Nu Minister DiRwayom Septam 2001, Kestyon Ki Suleve. Intervyue pu enn ti moman enn Sirveyan Letid Liv Kongregasyon. Demann li ki bann laranzman li finn fer pu so letid liv ek kuma eski so letid liv finn tir profi kan zot finn prese an grup.
Kantik 36 ek lapriyer final.
Semenn Apartir 4 Ut
Kantik 178
10 min: Anons lokal. Avek bann lide ki ena lor paz 4, fer de demonstrasyon pu prezant Latur Degard 1 Ut ek Réveillez-vous ! 8 Ut. Dan tulede ka, bann proklamater bizin ofer enn Latur Degard ek enn Réveillez-vous ! ansam, mem si zot atir latansyon lor enn sel. Dan enn demonstrasyon, montre kuma enn proklamater pe donn temwaynaz okazyonel.
20 min: “Ofer Piblikasyon dan enn Teritwar Kot Ena Enn Uswa Plizir Grup Ki Koz enn Lot Lang.”c Servi bann kestyon ki ena anba. Kan pe egzaminn paragraf 3, fer enn demonstrasyon lor kuma kapav fer enn sinp prezantasyon dan enn lot lang ki koze dan teritwar. Montre kuma servi brosir Une bonne nouvelle pour toutes les nations.
15 min: Bann Zenn Pe Donn Zeova Laglwar! Diskur ek partisipasyon avek lasistans ek bann intervyu. Nu kontan kan nu tann bann zenn donn bann komanter byin prepare pandan bann reynion. Li enn plezir kan nu truv zot fer zefor ek progrese dan Lekol Minister Teokratik. Zot montre enn vre lafwa kan zot donn enn bon temwaynaz dan predikasyon. Zot bon kondwit donn Zeova loner. (ybF 88 paz 53-4) Zot progre spirityel prepar zot pu zot gayn bann lezot privilez. Intervyue pu enn ti moman enn uswa de zenn Kretyin ki partisip regilyerman dan bann laktivite kongregasyon. Sinserman felisit bann zenn dan kongregasyon pu zot bann bon zefor ki zot pe fer pu donn Zeova loner.
Kantik 49 ek lapriyer final.
[Note]
a Lintrodiksyon mwins ki enn minit, ek apre sa, egzaminn lartik par kestyon ek repons.
b Lintrodiksyon mwins ki enn minit, ek apre sa, egzaminn lartik par kestyon ek repons.
c Lintrodiksyon mwins ki enn minit, ek apre sa, egzaminn lartik par kestyon ek repons.