Programme Réunion Service
Note: Dans Ministère du Royaume Juillet ek Août, pou éna programme réunion service pou sak semaine, pareil couma lézot mois. Mais, bann congrégations kapav faire bann changements nécessaire en rapport avec l’assemblée district “Marche Avec Bondié.” Si li approprié, enn semaine avant l’assemblée, kapav réserve 15 minutes dans Réunion Service pou rappelle bann conseils ki éna dans supplément Avril 2004 ek adapté li avec bann circonstances local. En Octobre, pou éna enn Réunion Service ki pou basé entièrement lor révision bann points important ki finn examiné dans l’assemblée. Pou nou kapav bien prépare nou pou sa partie-la, nou tou encouragé pou prend notes bann points important ek bann l’idées ki nou envie mette en pratique personellement dans nou la-vie ek dans nou ministère. Coumsa nou pou kapav expliqué couma nou finn applique bann suggestions ki nou finn gagné depuis ki nou finn assisté l’assemblée.
Semaine à Partir 14 Juin
Cantique 168
10 min: Annonces local ek bann annonces approprié dans Ministère du Royaume. Servi bann suggestions ki trouve dans page 4 (si zot approprié pou ou territoire) pou faire deux démonstrations pou présente La Tour de Garde 15 Juin, ek Réveillez-vous ! 22 Juin. Si pa encore gagne sa bann périodiques-la, présente bann périodiques récent avec l’aide bann suggestions ki éna dans Ministère du Royaume lé-mois dernier. Dans enn présentation, montré enn proclamateur ki pé prêché dans enn l’endroit commercial. Kapav servi bann lézot présentations bien réaliste.
20 min: “Jéhovah Aide Bann Ki Éna Confiance en Li.”a Kan pé examine paragraphe 4, ajoute bann commentaires ki trouve dans Ministère du Royaume Décembre 1999, page 4, paragraphes 8-9 ek livre École du ministère, page 67, paragraphe 2.
15 min: Kifer Nou Bizin Evite Prend la Drogue? Discussion avec l’assistance, basé lor livre Comment raisonner, pages 112-115. Zordi, li bien populaire ki bann dimoune prend la drogue zis pou le plaisir. Beaucoup dimoune insisté ki sa pa dangereux. Éna mem ki faire tou pou légalise la drogue. Examiné couma nou kapav raisonne avec sa bann dimoune-la. Ajoute bann commentaires ki trouve dans Réveillez-vous ! 8 Novembre 1999, dans l’encadré, page 10.
Cantique 179 ek la prière final.
Semaine à Partir 21 Juin
Cantique 29
10 min: Annonces local.
15 min: “Bann Anges Pé Aide Nou.”b Si le temps permette, invite l’assistance pou faire bann commentaires lor bann textes de la Bible ki cité.
20 min: Sagesse Ki Sorti Lao Li Raisonnable. (Jacq. 3:17) Discours ek discussion avec l’assistance, basé lor livre École du ministère, pages 251-2. Montré nou raisonnable, ki sa veut dire? Kifer sa qualité-la li important dans nou ministère? Ki nou kapav aprann dans l’exemple l’apôtre Paul? Couma eski bann proclamateurs kapav prend en considération culture ek façon vive bann dimoune dans zot territoire? Couma nou kapav aide bann étudiants la Bible pou montré zot raisonnable? À l’avance, demann enn ou-soit deux proclamateurs pou raconté ki bann bienfaits zot finn gagné kan zot finn approche bann dimoune dans enn façon raisonnable.
Cantique 53 ek la prière final.
Semaine à Partir 28 Juin
Cantique 139
12 min: Annonces local. Situation des comptes. Rappelle bann proclamateurs pou remette zot rapport pou mois Juin. Servi bann suggestions lor page 4 (si li approprié pou ou territoire) pou faire deux démonstrations pou présente La Tour de Garde 1er Juillet ek Réveillez-vous ! 8 Juillet. Si pa encore gagne sa bann périodiques-la, présente bann périodiques récent avec l’aide bann suggestions ki éna dans Ministère du Royaume lé-mois dernier. Dans toulé deux cas, demann bann proclamateurs-la pou faire enn introduction bien amical. Rappelle zot tou ki kan nou faire sa, sa kapav mette dimoune ki pé écoute nou-la à l’aise.
15 min: Besoins local.
18 min: “Kifer Nou Bizin l’Étude de Livre.”c Servi bann questions ki ena en bas. Ajoute bann commentaires ki trouve dans Ministère du Royaume Novembre 2002, page 1, dans l’article “ Aidez le surveillant de votre étude de livre. ”
Cantique 20 ek la prière final.
Semaine à Partir 5 Juillet
Cantique 3
10 min: Annonces local.
15 min: Ki Ou Pou Dire? Discours ek discussion avec l’assistance. Pendant mois Juillet ek Août nou pou offer bann brochures. Ki brochures bann proclamateurs finn trouve efficace dans territoire? Ré-guette bann présentations ki ti paraite dans Ministère du Royaume Juillet 1998, page 8 ou-soit dans bann lézot numéros avant. Montré bien ki sak présentation inclure (1) enn question, (2) enn texte la Bible, ek (3) enn point ki faire référence ar publication ki nou pou offer. Faire enn ou deux démonstrations. Encourage zot tou pou servi la Bible kan nou pé prêche la bonne nouvelle.
20 min: Ki Bann Zenfants Bizin ar Zot Parents. Discours ek discussion avec l’assistance basé lor Livre Écoute le grand Enseignant, pages 6-7. Li important ki bann zenfants aprann lor ki bann principes vrai l’adoration basé. Li important aussi ki zot comprend role capital ki bann parents joué dans formation zot zenfants. Examine bann suggestions ki donné pou étudié sa livre-la. Invite bann parents pou dire couma zot finn servi sa livre-la pou étudié avec zot zenfants. Demann enn ou deux zenfants pou dire kifer zot apprécié sa livre-la.
Cantique 65 ek la prière final.
[Notes]
a L’introduction moins ki enn minute ek après sa, examine l’article-la par questions ek réponses.
b L’introduction moins ki enn minute ek après sa, examine l’article-la par questions ek réponses.
c L’introduction moins ki enn minute ek après sa, examine l’article-la par questions ek réponses.