Bann rappel pou Mémorial
Bann ancien bizin prend compte sa bann different point-la kan pé faire bann preparatif pou Mémorial:
◼ Fodé zot sur ki pa pou passe bann l’embleme avant coucher soleil.
◼ Prevoir di-pain ek di-vin ki approprié pou sa l’evenement-la ek faire en sorte ki zot pré.—Guette La Tour de Garde 1er mars 2003, en créole, page 10-11.
◼ Amenn bann plat, bann coupe, enn la-table ek enn nappe approprié pou sa l’evenement-la ek installe zot a l’avance.
◼ Bizin fini faire enn grand nettoyage la Salle du Royaume ou-soit l’endroit kot pou faire sa reunion-la.
◼ Bizin designe a l’avance bann frere ki pou occupe service l’accueil ek bann serveur, ek donne zot bann instruction precis lor seki zot bizin faire, couma tou kitsoz bizin deroulé, ek lor l’importance pou habille-zot ek coiffe-zot dan enn fason digne.
◼ Si enn membre oint pa kapav vini a cause enn probleme la santé, bizin faire bann l’arrangement necessaire pou presente li bann embleme.
◼ Si plusieurs congregation pou servi mem la-Salle du Royaume, zot bizin bien organise-zot pou ki pena trop beaucoup dimoune ki bloque l’entrée, trottoir ek parking.
◼ Si pou faire Mémorial dan enn lot la-salle, faire sur ki pou ena enn bon systeme son pou ki tou dimoune ki present kapav tann l’orateur.
◼ Secretaire pou envoye formulaire vert Assistance au Mémorial (S-7-F) la filiale, le soir-mem kot faire Memorial ou-soit au pli tard lendemain gramatin.