Programme prochain l’assemblée special enn jour

Theme l’assemblée special enn jour pou l’année service 2009 c’est: “Contigne veille lor ministere . . . , pou ki to accompli li,” basé lor Colossiens 4:17. En tant ki bann chretien nou prend sa conseil-la avek beaucoup serieux. Nou l’objectif c’est pou rempli nou ministere avek fidelité pareil couma Jésus ti faire. (Jean 17:4) L’apotre Paul aussi ti laisse enn bon l’exemple pou nou dan sa domaine-la. Li ti determiné pou accompli so ministere ziska la fin.—Actes 20:24.

Partie ki surveillant circonscription pou traité pou montré couma plusieurs proclamateur pé surmonte bann difficulté dan zot ministere. Apré sa, discours “ Cultivez ce que vous avez planté ” pou mette l’accent lor fason ki nou kapav vrai-mem aide bann ki ena “l’attitude ki bizin pou gagne la vie eternel.” (Actes 13:48) Orateur visiteur pou discute d’abord lor 2 Corinthiens 6:1-10, verset par verset dan discours “ Comment nous nous recommandons comme ministres de Dieu. ” Dan l’apré-midi, li pou faire discours “ Tenez votre ministère en haute estime. ” Nou sur ki ou pou gagne l’encouragement dan discours “ Jeunes et moins jeunes prennent plaisir au ministère ” ek “ Des jeunes qui accomplissent leur ministère. ” Bann ki envie prend bapteme dan l’assemblée ki pé vini bizin faire surveillant president koné pli vite possible. Enn partie important dan tou nou bann l’assemblée, c’est l’etude La Tour de Garde. Amenn ou copie ki pou examiné pendant semaine l’assemblée special enn jour.

Nou l’objectif c’est pou accompli nou ministere. Pou faire sa, nou bizin faire attention ki lezot activité pa prend place bann kitsoz ki Jéhovah inn confié nou. Bann encouragement ki sorti dan la Bible ki nou pou gagné pendant sa l’assemblée special enn jour-la, bizin aide nou tou pou comprend ki nou bizin faire pou garde nou l’objectif. Sa pou aussi aide nou pou examine nou ministere pou guetté couma nou kapav accompli li plus possible.