VIZIT
LESON 9
Met Twa dan Plas Dimounn-La
Prinsip: “Partaz lazwa bann ki dan lazwa; plore avek bann ki pe plore.”—Rom. 12:15.
Seki Zezi Ti Fer
1. Get VIDEO, ouswa lir Mark 6:30-34. Apre sa, reponn sa bann kestion-la:
Kifer Zezi ek so bann zapot ti al “dan enn landrwa retire kot zot ti pou tousel”?
Ki kitsoz ti pous Zezi pou ansegn sa bann dimounn-la?
Ki To Kapav Aprann ar Lexanp Zezi?
2. Met twa dan plas lezot; montre ki seki inportan pou twa se pa zis to mesaz, me ki to vremem interese ar lezot.
Swiv Lexanp Zezi
3. Ekout bien. Les dimounn-la koze; pa koup li. Pran kont so bann santiman ek so bann traka. Kan to ekout li bien, to montre ki to vremem interese ar seki li pe dir.
4. Reflesi lor sitiasion dimounn-la. Reflesi lor konversasion ki zot inn gagne, ek demann tomem:
‘Kifer sa dimounn-la bizin konn bann verite ki ena dan Labib?’
‘Kouma enn letid Labib kapav amelior so lavi aster-la ek dan lavenir?’
5. Koz lor bann kitsoz ki pou ed li. Pli vit posib, montre li kouma enn letid Labib kapav reponn so bann kestion ek ed li dan so lavi toulezour.