LECCIÓN 01
¿Jáchisu ara enchi aniá ju Biblia?
Juebénate ito tetémaje jiápsiwamta bétana, jiókol wemta, kokʼkowamta éntok púxbaw bicha wemta bétana. Éntok ket ka yanti itom jiápsitua jume jita chikti täpo ítow wëme, éntok jáchisu chë yun tómitate kobana tülisi jiapsa báreka o wepu familia alʼlerita jipu bechïbo. Juebena géntem áchim suala ke ju Biblia ime béxresimachi nátemaixrim yóyomia éntok ket jiápsiwamta bétana tü conséjom am mámaka. ¿Jáchise jiawa ju Biblia ara jabe em täyame aniá jäni?
1. ¿Jita wate nátemaixrim yóyomia ju Biblia?
Ju Biblia nátemaixrim béxresimachim ime bénasi yóyomia: ¿jáchisu nátek ju jiápsiwame?, ¿jita bechïbosute jiapsa?, ¿jatchiákam jiókol eyʼya jume tü géntem?, ¿jiápsiwame ayu chúkula beja kokʼkoko?, ¿jatchiaka juebena naw nasʼsuawame ayu si jume géntem sïmat ániapo joákame yanti anwámtam wätia? éntok ¿jítasu itom buiátaw wénake? Ju Biblia itom néjune a páginampo járiw bechïbo jume yómiarim ime nátemaixrim bétana. Wanay jume juebena millónim beja a yälame tüisim alʼleakam emo inʼnea bem téwlakaw bechïbo.
2. ¿Jáchisu itom aniá ju Biblia chikti täpo alʼleaka jiapsa bechïbo?
Ju Biblia tü conséjom itom mámaka. Ejémplopo bénasi, famíliata mámaxtia jáchisu tuá alʼlenake. Éntok ket itom texwa jáchisute ju estrés tiamta papʼperiana éntok jáchisute tékilta alʼleaka yänake. Lawláwtipo ika informacionta naw estudiáruaka, empo emo maxtiana jáchisu jiawa ju Biblia ime etʼtexwarim éntok juebena wate etʼtexwarim bétana. Yö lutüriapo junële énake “Jü sïme noki jïojteri, [sïme ju Bíbliata nokawi] [...] huéchiapo huéiye” (2 Timoteo 3:16).
I jiösia jióxteri ka Bíbliata bepʼpa weyʼye. Te júnentaka junʼne enchi aniánake a estudiarua bechïbo. Júnel bechïbo enchite néjune am leéruanake bechïbo sïme jume téxtom bíblicom lecciónimpo wëme éntok ket jume téxtom are am bitcha sim naw emo weria.
CHËRE IÁ BÉTANA JÜNENAKE
Ata binʼna jáchisu ju Biblia wate géntem aniala, jítasute yäpo yumala tüisi eaka a leerua bechïbo éntok jita türite ama mabetna jabe itom aniako at jüne bechïbo.
3. Ju Biblia tüisi itom aniá
Ju Biblia wepu machiria tüisi utʼtiata jípureme benʼna ara itom boʼota machiria. Árate a usarua tü decisiónim nü barëteko éntok a jüne bechïbo jítasu wénake chë púxbaw bicha.
Salmo 119:105 tem leerua chúkula éntok iá bétanem naw etʼtexwa:
¿Jítasu eyʼyay Bíbliata bétana waʼa ika Sálmota jióxtekäwi?
¿Empo jítase eyʼya Bíbliata bétana?
4. Ju Biblia itom nátemaxrim yóyomia
Wepu jamʼmut yun wásuktiriampo nátemaixrim ka yanti a jiápsatuame jípurey wanay apo at súwak jachin ju Biblia yómiarim a mámakay. VIDÉOTEM bitcha chúkula éntok iá bétanem naw etʼtexwa:
¿Jita nátemaixrim jípurey ju jamʼmut videopo yew wëme?
¿Jáchisu a aniak Bíbliata estudiáruaka?
Ju Biblia itom néjune nátemaixrim yä bechïbo. Mateo 7:7 tem leerua chúkula éntok iá bétanem naw etʼtexwa
¿Ju Biblia wate nátemaxrim em jípureme ara yomʼmia jäni? Akea etʼtexwa, ¿jita nátemaixrim?
5. Tüisi eaka árate Bíbliata leerua
Juebénaka tüisi eákam Bíbliatam leleerua wanay yun jita türitam ama yew nunüye. VIDÉOTEM bitcha chúkula éntok iá bétanem naw etʼtexwa:
¿Jáchisum jiawa lectúrata bétana jume jübua yötume videopo yew wëme bétana?
¿Jatchiásum täbuiasima bitcha juka lectúrata Bíbliata bétana?
Ju Biblia maxtiárim tüisi itom étuame éntok esperánzata itom mámakame itom mámaxtia. Romanom 15:4 tem leerua chúkula éntok iá bétanem naw etʼtexwa:
¿Chëre junë peyʼya ju consuelo éntok esperánzata Bíbliata mákame bétana?
6. Árate Bíbliatat jüneya jábeta itom aniako
Wate bempola Bíbliatam leleerua te juebénaka tüisim amew simla a estudiáruaka wate géntem am aniaka bétana. Hechos 8:26-31 táxtem a leerua chúkula éntok iá bétanem naw etʼtexwa:
¿Jítasu ítow bëye Bíbliatat jüne bechïbo? (Versículom 30 éntok 31 tem bitcha).
Ju oʼow Etiopiapo joákame jabe a aniánakew aw bëyey jióxteritat jünenake bechïbo. Énriapo, juebénaka tülisima bitcha jabe am aniánake Bíbliata estudiarua bechïbo.
WATE JUNËLIM JIJIÁ: “Kie tiémpota täruna Bíbliata Estudiáruaka”.
¿Jáchise jiaw eyʼyey? ¿Jatchiá?
JÍTASE AMA TATÄYAK
Ju Biblia tü conséjom mámaka jiápsiwamta bétana nátemaixrim béxresimachim yóyomia ket consuelo éntok esperánzata mámaka.
¿Jítase yomʼmia eyʼyey?
¿Jita conséjom jípure ju Biblia?
¿Jita wate nátemaixrim yóyomia ju Biblia?
Empéntoko, ¿jítase ama tew peyʼya Bíbliapo?
CHËRE JITA AMA TÄYA
Akea bitcha jatchiá jume conséjom Bíbliapo wëme énriapo tüisim türi.
“Ju sabiduria ka lüteme Bíbliata bétana” (La Atalaya, núm. 1 2018ta wériayo)
Ache suwa jachin ju Biblia wepu owta aniak apo ili usítaka náteka jita jachin aw eá mak nasʼsuay.
Jáchisune wepu jiápsiwamta bémela éntok alʼleritane nátek (2:53)
Jume tü conséjom Bíbliata mákame täya wepu familia alʼlerita jipu bechïbo.
“12 tü conséjom wepu familia alʼlerita jipu bechïbo” (¡Despertad!, núm. 2 2018ta wériayo)
Ache suwa jáchisu ju Biblia wepu jita suálwamta ka lutüriata éntok may täyawamta kálakosi a tóixla si jábesa tuá imi ániapo nésawe.