LECCIÓN 02
Ju Biblia esperánzata itom mámaka
Sïmat ániapo jume géntem problémam am rórojiktuame, ansiedad éntok kökosi am étuame papʼperiala. ¿Júnel émow simla? Jamake maye jiókot eyʼya wepu kökuata bechïbo o jabe tüisi em nákeme mukriálataka. Jamake emo temaje si yun tiempo bëye jita ka tüwata imi ániapo ayúkamta lütinake bechïbo. Ju Biblia wepu yómiarita itom yanti yéchame mámaka.
1. ¿Ju Biblia jita esperánzata mámaka?
Ju Biblia a etʼtexwa jatchiá juebena problémam ániapo ayu. Éntok ket may tü nokta itom makʼka ke ime problémam ka jiba bechïbotunake éntok abem lüte tiyʼya. Juka Bíbliata nokawi ara wepu “púxbaw bicha wemta éntok wepu esperánzata enchi makʼka” (Jeremías 29:11 éntok 12 te leerua). Ime promésam eni itom aniá problémam papʼperia bechïbo éntok itom alʼlerita ka täru bechïbo. Éntoket seguridadta itom mámaka ke jiba bechïbote alʼlerita jípuna.
2. ¿Jáchisu jiawa ju Biblia púxbaw bicha wemta bétana?
Ju Biblia púxbaw bicha wemta bétana noka ama “ka kókkohuame kaitatunake entok buanhuame júnne kökosi éehuame júnne entok huántiriam júnne” (Apocalipsis 21:4 te leerua). Jume problémam tüisi jiókot itom étuame lütinake ju pobreza bénasi, jume injustíciam, jume kökuam éntok kokʼkowame ketchi. Ju Biblia a nokla ke jume géntem áram jiba bechïbo jiápsiwamta jípuna imi buiapo uxyolisi yäritaka.
3. ¿Jítasu enchi aniana juka esperánzata Bíbliata mákame e bechïbo?
Juebena géntem esperánzata jípure ke ime problémam emo tütenake. Tem ka tuá jüneya ke sim lutüriapo wénake. Te Bíbliamak ka junëli wéweye. A promesamʼmechi árate ámet eyʼya si “tüisi jiójteritat suaka bíchako”, o júnel jiawbare, si Bíbliata estudiáruako (Hechos 17:11). Iʼi enchi aniana jítase yänake sire a sualna Bíbliata nokawi juka púxbaw bicha wemta bétana.
CHËRE IÁ BÉTANA JÜNENAKE
Wate promésam Bíbliapo wëmete binʼna itom púxbaw bicha wemta bétana. Ata binʼnake jachin i esperanza énriapo wate géntem aniá.
4. Ju Biblia esperánzata mámaka jiba bechïbo jiápsaka buiá uxyolisi yäripo
Ache suwa yun promesamʼmechi Bíbliapo itom tiäkawi. ¿Jítase chë ama tutüre? ¿Jatchiá?
Jume texto bíblicom ime promésam chakäku jióxterimem leerua, chúkula éntok iá bétanem naw etʼtexwa:
¿Jache ime téxtom esperánzata itom maka teyʼyey? Em familia éntok em jalaymʼmeche eyʼya, ¿ara am aniana jäni?
Akea bícham cheyʼya wepu ániata iá béname ama jiapsa bechïbo:
KABE... |
SÏME GENTE... |
|---|---|
|
|
|
|
|
|
|
|
|
|
5. Ju esperanza Bíbliata mákame chë tülisi ara itom jiápsatua
Juebénaka kom eyʼya o may omteka ane ániapo problémam ayuka bétana. Wate éntok sïmeta bem yä máchilepom a jojuá jita tülisi wénake bechïbo. Akea bitcha jachin ju promesa Bíbliapo wëme sïme türinake bétana énriapo juebena géntem aniá. VIDÉOTEM bitcha chúkula éntok iá bétanem naw etʼtexwa:
Videota jiaw bénasi, ¿jita injusticia Rafíkata jachin étuay?
Eläposu jume injustíciam a bíchawi kátim lütek ¿jáchisu ju Biblia a aniak?
Ju esperanza Bíbliata mákame ara itom aniá rojíktiriata pap’peria bechïbo éntok problemamʼmew ka jachin eaka púxbate bechïbo. Proverbios 17:22 éntok Romanos 12:12 tem leerua, chúkula éntok iá bétanem naw etʼtexwa:
¿Jáchise a bitcha, ju mensaje esperánzata bétana Bíbliata mákame chë tülisi énriapo ara enchi jiápsatua jäni? ¿Jatchiá?
WATE JUNËLIM JIJIÁ: “Juka Bíbliata nokame lemaxpo türi a sual bechïbo”.
Pruébam ayu ke jume promésam Bíbliapo wëme émom nok chúpana, ¿béxresimachi jäni am bit bechïbo? ¿Jatchiá?
JÍTASE AMA TATÄYAK
Ju Biblia jiápsiwame alʼlerita mak rókaka noka, wanay ju esperánzata itom mámaka éntok itom aniá púxbaw bicha wë bechïbo eläposu problémam jípureka junʼne.
¿Jítase yomʼmia eyʼyey?
¿Jatchiaka géntetaw wepu esperánzata aw bëye?
¿Jáchisu jiawa ju Biblia púxbaw bicha wemta bétana?
¿Jáchisu ara enchi aniá eni wepu esperánzata jípureka?
CHËRE JITA AMA TÄYA
Chëre ama a täya juka esperánzata utʼtiata a jípurew bétana.
“Esperánzata: ¿jaksu a téwnake?” (¡Despertad!, 22 abril 2004ta wériayo)
Akea tatäya jáchisu ju esperanza wame kökoreme beja ka kom chätu báreme aniala.
“¿Ju Biblia ara itom aniá wepu kökuata papʼperia bechïbo?” (Jióxteri jw.org ta bétana)
Ika videota jiáwita wériame bíchako, akea bícham cheyʼya em famíliamak tüisi alʼleaka jiápsaka jumu buiá musälamachisi yäripo Bíbliata noklákaw bétana.
Akea leerua jachin wepu oʼow jita türita yä peaka a jiápsita kuáktiak juka esperánzata Bíbliata mákame täyako.
“Béjane ika ániata ka kuaktia peyʼya” (La Atalaya, 1 julio 2013ta wériayo)