Ireo fivoriana momba ny asa amin’ny Oktobra

Herinandron’ny 30 Septambra

Hira 40, Hira 30

10 min: Fampandrenesana eo an-toerana sy fampandrenesana mifanentana avy ato amin’ny Ny Fanompoantsika ilay Fanjakana.

20 min: “Aoka isika hahatakatra ny hevitr’ireo zava-miseho amin’izao fotoana izao”. Fanontaniana sy valiny. Rehefa avy nandinika ny fehintsoratra faha-6, dia manaova fampisehoana ny amin’ny fomba fampiasa ny foto-dresaka vaovao. Asongadino ny foto-kevitra voafaritra tsara iray avy ao amin’ny gazety Mifohaza! na Réveillez-vous! vaovao.

15 min: Ny soa azon’ny tenantsika manokana avy amin’ny Gazety Mifohaza! na Réveillez-vous! Rahalahy mahafeno fepetra iray manadinadina mpitory telo na efatra. Ataovy misy tanora mbola mandeha any an-tsekoly iray fara faharatsiny amin’ireo adinadinina.

Herinandron’ny 7 Oktobra

Hira 3, Hira 51 (vaovao)

5 min: Fampandrenesana eo an-toerana.

15 min: “Aoka ianao hanao ny asa fanompoana amin’ny fanahinao rehetra — Fizarana faha-4”. Lahateny. Ampirisiho ireo loham-pianakaviana mba hanampy ny rehetra ao amin’ny ankohonany mba hilamina ka hametra zava-kendrena tsy tafahoatra loatra eo amin’ny fanompoana.

15 min: “Fomba fampiseho ny vaovao tsara — Amin’ny fampiasana ireo zavatra vita an-tsoratra amim-pahendrena”. Fanontaniana sy valiny. Ampiharo eo an-toerana ilay fanazavana.

10 min: Ny fihetsika arahin’ny kristiana marina eo anoloan’izao tontolo izao sy ireo olona anisany. Lahateny ataon’ny loholona iray miorina amin’ny boky Fomba fanjohian-kevitra, pejy 286-287.

Herinandron’ny 14 Oktobra

Hira 73, Hira 70

10 min: Fampandrenesana eo an-toerana, Vaovao teokratika, Filazana momba ny toe-bola ary fisaorana noho ny fanomezana an-tsitrapo voaray. Ampahafantaro ny kongregasiona ny amin’ny filazana asa tamin’ny Septambra.

15 min: Ny hasarobidin’ny bokikely Ny sekoly sy ny Vavolombelon’i Jehovah. Lahateny izay tsara kokoa raha hataon’ny loholona iray raim-pianakaviana. Asongadino ny hasarobidin’ilay bokikely eo amin’ny fampahafantarana ireo manam-pahefana any an-tsekoly ny amin’ireo zavatra inoan’ny Vavolombelon’i Jehovah sy hanampiana ireo ray aman-dreny sy tanora kristiana eo amin’ireo raharaha mahakasika ireo zavatra atao any an-tsekoly. Tokony hojerena miaraka amin’ireo tanora tsy tapaka io fanazavana vita pirinty io. Rehefa misy zava-manahirana na fanontaniana mipoitra, dia mitodiha any amin’ilay bokikely mba hahazoana fitarihana. Sintony ho amin’ny fanazavana voafaritra tsara voasoritra eo ambanin’ny hoe “Fotopoto-pitsipika ara-pitondrantena tsara indrindra” sy ny hoe “Ireo andro fety ankalazain’ny olona”, ny saina. (Pejy 11-13, 14-18). Ho famaranana, dia asongadino ny ilàn’ny ray aman-dreny hampiseho fahalianana amin’ny fianarana ataon’ny zanany ary hiara-miasa amin’ny fitantanan-draharahan’ny sekoly. — Pejy 28-29.

20 min: “Tsy tianao ve ny hokianina?” Lahateny miorina amin’ny Mifohaza! N° 3/91, p. 20-22. Tokony hosoritan’ilay mpandahateny mazava tsara ireo fomba enina izay hahatonga ny fanakianana ho azo ankasitrahana kokoa.

Herinandron’ny 21 Oktobra

Hira 31 (vaovao), Hira 42

10 min: Fampandrenesana eo an-toerana. Tonòny vetivety ireo hevitra azo resahina ao amin’ireo gazety azo ampiasaina eo amin’ny fanaovana fanambarana amin’ity herinandro ity.

20 min: “Ny fandaharana amin’ny fianarana ny bokin’ny kongregasiona — Fizarana faha-4”. Fanontaniana sy valiny. Asongadino ny ilàn’ny rehetra hifaneho fiheverana manokana ao amin’ilay antokon’olona miara-manao fianarana ny boky.

15 min: “Ny fomba anambinan’i Jehovah ny asany”. Lahateny miorina amin’ny lahatsoratra ao amin’ny Ny Tilikambo Fiambenana tamin’ny 1 Martsa 1991, p. 22-25.

Herinandron’ny 28 Oktobra

Hira 32, Hira 85

10 min: Fampandrenesana eo an-toerana. Diniho vetivety ny zavatra atolotra amin’ny volana Novambra.

20 min: Aoka isika hitady sy hampianatra ireo mendrika. Lahateny sy fanadinadinana. Asongadino ny Matio 10:11. Zava-manahirana mihamitombo ny tsy fahitana ireo olona ao an-tranony ary mety hisy akony tokoa eo amin’ny fahitantsika vokatra tsara sy ny fifaliantsika. Inona no azo atao? Hatòny ireo olona rehefa ao an-jaridainany izy. Raiso an-tsoratra ireo izay tsy tratra tao an-trano ary miverena any tsy misy hataka andro. Nisy nahita fahombiazana tsara dia tsara tamin’ny fitadiavana ireo olona tao an-tranony ny takariva, koa mandraisa anjara àry amin’ny fanaovana fanambarana ny takariva. (kmMG 9/87 p. 4). (Manadinadìna fohy mpitory tsotra sy/na mpitory maharitra roa na telo izay nahita fahombiazana tamin’ny fanaovana fanambarana ny takariva.) Hampiasa ny fomba azony ampiasaina rehetra i Satana mba hisakanana antsika tsy hahita ireo mendrika. Tsy maintsy mitady azy ireo isika. An’i Jesosy Kristy ireo “ondry”. Nanome baiko antsika izy mba hitady sy hamahana azy ireny. (Jaona 21:15-17). Izany dia hanampy antsika hahatakatra ny ilàna hahatratra ny mponina ao amin’ny ankohonana rehetra raha azo atao.

15 min: Aoka isika handray soa avy amin’ireo tantaran’ny fiainan’ny Vavolombelon’i Jehovah. Fifampiresahana ataon’ny rahalahy roa. Misy tantaran’ny fiainan’ny mpanompon’Andriamanitra amin’izao andro izao miseho ara-potoana ao amin’ny Ny Tilikambo Fiambenana sy Mifohaza! Voatanisa ao amin’ny Index des publications de la Société Watch Tower araka ny anaran’ilay olona sy ny lohatenin’ilay lahatsoratra izy ireny. (Manomeza ohatra ny amin’ny fomba hahitana lahatsoratra voafaritra tsara.) Zava-dehibe ny hamakiantsika amim-pitandremana ireny lahatsoratra ireny ka hanovozana tanjaka sy fampaherezana avy aminy. Ampiasao ireo fanazavana ao mba hampaherezana ireo rahalahintsika sy ireo olona ampianarintsika Baiboly. Diniho vetivety indray ilay lahatsoratra hoe “Manohiza mamafy voa — I Jehovah hampitombo izany” ao amin’ny Ny Tilikambo Fiambenana tamin’ny 1 Aogositra 1991 p. 25-30. Asongadino ireo hevitra voafaritra tsara avy ao amin’ilay lahatsoratra izay manampy antsika a) eo amin’ny asa fanompoana ataontsika, b) hiaritra fitsapana, d) hankasitraka an’i Jehovah sy ny fandaminana amin’ny fomba tsaratsara kokoa, ary e) hankasitraka ny firahalahiana maneran-tany. Mandray soa be dia be isika amin’ny ‘fanahafana ireo mandova ny fanantenana amin’ny alalan’ny finoana sy ny faharetana’. — Heb. 6:11, 12, MN.