Ireo Fivoriana Momba ny Asa Amin’ny Febroary
Herinandron’ny 3 Febroary
Hira 15, Hira 13
10 min: Fampandrenesana eo an-toerana sy fampandrenesana nofantenana avy ato amin’ny Ny Fanompoantsika ilay Fanjakana. Manaova fampisehoana ny amin’ny fomba fanolorana gazety miorina amin’ireo nomerao farany. Ampirisiho ny fiarahana manao fanambarana amin’ny faran’ny herinandro.
20 min: “Omano ny fomba fampiseho hampiasainao amin’ny Febroary”. (10 min.) Fanontaniana sy valiny. (8 min.) Fampisehoana voaomana tsara mampiasa ny roa na telo amin’ireo fomba fampiseho anolorana hevitra izay mifanentana indrindra amin’ny faritany eo an-toerana. (2 min.) Ampirisiho ny rehetra mba hianatra sy hampiasa ny iray na maromaro amin’ireo fomba fampiseho anolorana hevitra ireo.
15 min: “Adama sy Eva”, boky Fanjohian-kevitra, pejy faha-25 ka hatramin’ny faha-26. (5 min.) Lahateny fampidirana miorina amin’ny fanazavana eo ambanin’ny lohateny kely hoe “Olona foronin’ny saina, ara-panoharana fotsiny ve Adama sy Eva?” (6 min.) Fampisehoana ny amin’ny fiverenana mitsidika atao amin’ny olona iray namelan’ilay mpitory ny fanontaniana hoe “Tafiditra tao anatin’ny sitrapon’Andriamanitra na ny fikasan’Andriamanitra ve ny fahotan’i Adama?” (4 min.) Ampirisiho ny fampiasana ny fizarana hoe “Raha misy milaza aminao hoe:” ao amin’ny boky Fanjohian-kevitra mba hahitana foto-kevitra horesahina amin’ny fiverenana mitsidika. Manonòna ohatra fanampiny.
Herinandron’ny 10 Febroary
Hira 42, Hira 17
10 min: Fampandrenesana eo an-toerana, anisan’izany ireo fandaharana ho amin’ny fanompoana amin’ny herinandro. Ampirisiho ny fanaovana ezaka manokana ho amin’ny fiverenana mitsidika amin’ity herinandro sy volana ity. Ity Fivoriana momba ny asa ity dia hanazava sy hanolotra fampisehoana ny amin’ny fomba fampiseho azo ampiharina efatra hampiasaina rehefa miverina mitsidika olona liana. Mifidiana iray na maromaro hampiasaina amin’ity herinandro ity.
20 min: “Ny fanombohana fifampiresahana rehefa miverina mitsidika ianao.” (3 min.) Lahateny fampidirana mandinika ireo hevitra ao amin’ny fehintsoratra voalohany sy faharoa. (15 min.) Fampisehoana voaomana tsara ny amin’ny tsirairay amin’ireo fomba fampiseho telo ao amin’ny fehintsoratra faha-3 ka hatramin’ny faha-5. Raha mamela hanao izany ny fotoana, aorian’ny fampisehoana tsirairay, dia azo atao ny miresaka ny amin’ny maha-azo ampiharina ilay fomba fampiseho. (2 min.) Miorina amin’ireo hevitra ao amin’ny fehintsoratra faha-6, dia ampirisiho ny rehetra mba hanomana sy hampiasa, fara faharatsiny iray amin’ireo fomba fampiseho anolorana hevitra mba hanombohana fifampiresahana amin’ireo izay nampiseho fahalianana.
15 min: “Afaka ny ho mpitory maharitra mpanampy ve ianao?” Resaka ifanaovan’ny loholona iray amin’ny mpitory maromaro nanao ny asan’ny mpitory maharitra mpanampy tamin’ny lasa ary mikasa ny hanao izany indray amin’ny volana Martsa sy Aprily. Mampiasa ireo hevitra voalaza ao amin’ilay lahatsoratra ireo mpitory ary manazava ny antony aniriany hanao ny asan’ny mpitory maharitra mpanampy. Mitantara ireo fitahiana hitany izy ireo ary manazava ireo fanamboarana tsy maintsy nataony mba hanatratrarana ny ora takina. Manasongadina ireo fifaliana entin’ny fanaovana ny asan’ny mpitory maharitra mpanampy ilay fiaraha-midinika ary mampirisika ny rehetra mba hihevitra io tombontsoam-panompoana io raha mamela azy hanao izany ny toe-javatra misy azy manokana.
Herinandron’ny 17 Febroary
Hira 34, Hira 68
10 min: Fampandrenesana eo an-toerana, filazana momba ny toe-bola ary fisaorana avy amin’ny Fandaminana noho ny fanomezana natao. Anaovy teny fiderana ireo rahalahy noho ny fanohanany ara-bola ny tombontsoan’ilay Fanjakana. Ampirisiho ireo mpitory mba handray anjara amin’ny asa fanompoana amin’izao faran’ny herinandro izao.
20 min: “Ataovy azo antoka ny hiverina hitsidika”. Fanontaniana sy valiny ary fampisehoana. Rehefa avy mandinika ny fehintsoratra faha-5, dia manaova fampisehoana ny amin’ny fiverenana mitsidika olona iray nametrahana taratasy mivalona. Mitarika ho amin’ny fampianarana Baiboly amin’ny alalan’ny boky Hiaina mandrakizay ny fiaraha-midinika. Rehefa avy mandinika ny fehintsoratra faha-6, dia manaova fampisehoana ny amin’ny fiverenana mitsidika olona iray nanda zavatra vita an-tsoratra teo aloha. Aorian’ilay fampisehoana, dia anontanio ilay mpitory hoe nahoana izy no nanapa-kevitra ny hiverina hitsidika io olona tsy nandray zavatra vita an-tsoratra tamin’ny fitsidihana voalohany io.
15 min: “Mila ny mianatra avokoa isika rehetra”. Fanontaniana sy valiny. Antitrantero ny maha-zava-dehibe ny tsy tokony hanaovana tsirambina ny fianarana manokana, ary koa ny tokony hananan’ny mpitory tsirairay ny tahirim-bokiny teokratika manokana. Farano amin’ny alalan’ny teny: 1) avy amin’ny mpitory izay ‘maka ny fotoana ilaina’ ka manana fandaharana tsara ho amin’ny fianarana, sy 2) momba ireo soa azo avy amin’ny famakiana ireo zavatra vita an-tsoratra tranainy kokoa voatonona eo amin’ny fehintsoratra faha-5.
Herinandron’ny 24 Febroary
Hira 108, Hira 51 (vaovao)
10 min: Fampandrenesana eo an-toerana, anisan’izany ireo fandaharana ho amin’ny asa fanompoana amin’ny herinandro, ary Vaovao teokratika.
15 min: “Aoka isika hanohana ireo mpitory maharitra”. Fanontaniana sy valiny ary fanadinadinana. Asongadino ireo fitahiana azon’ny kongregasiona manontolo rehefa mahazo ny fanohanana ilainy ireo mpitory maharitra. Manadinadìna mpitory maharitra ka hamafiso amin’izany ny fomba nahazoan’izy ireo fanampiana avy tamin’ireo loholona sy ny hafa ao amin’ny kongregasiona, teo amin’ny fanaovany ny asan’ny mpitory maharitra.
20 min: “Moa ve ianao mikatsaka harena nafenina?” Lahateny voaomana tsara miorina amin’ny Ny Tilikambo Fiambenana tamin’ny 1 Jona 1990, pejy faha-18 ka hatramin’ny faha-22. Aza vakina amin’ny mpanatrika fotsiny ilay lahatsoratra fa hamafiso ny ilàna hanomanana ireo fivoriana rehetra, hamakiana ireo zavatra vita an-tsoratra rehetra omen’ny Kolejy foibe ary hanarahana fandaharam-potoana tsara ho amin’ny fianarana manokana.