Ho Fanomanana ny Fahatsiarovana

Efa nampahafantarina ny amin’ny fotoana sy ny toerana marina hanaovana ny fankalazana ve ny rehetra, anisan’izany ny mpandahateny? Manana fomba handehanana any ve ny mpandahateny?

Efa nisy fandaharana voafaritra tsara natao ve mba hahazoana ireo marika sy hitondrana azy ireo any an-toerana amin’ny fotoana mety?

Efa nisy fandaharana natao ve mba hanisiana lamban-databatra madio sy vera ary lovia ampy tsara eo ambonin’ny latabatra, alohan’ny fotoana?

Inona avy no fandaharana efa natao mba hanadiovana ny Efitrano Fanjakana alohan’ny fotoana?

Efa notendrena ve ireo ho mpikarakara ny mpanatrika sy mpanolotra ireo marika? Efa nalamina ve ny hisian’ny fivoriana hatao miaraka amin’izy ireo alohan’ny Fahatsiarovana mba handinihana ny andraikitry ny tsirairay avy? Rahoviana izany? Inona no fomba harahina mba hahazoana antoka fa hizotra tsara ny fanolorana ireo marika amin’ny mpanatrika rehetra?

Vita tsara ve ireo fandaharana hanampiana ireo rahalahy sy anabavy be taona sy kilemaina? Misy fandaharana natao ve mba hanolorana ireo marika amin’izay voahosotra mety ho voatana ao am-pandriana ka tsy ho afaka ny hiaraka amin’ny kongregasiona?