Vaovao Teokratika

Guyane française: Ny filazana asa tamin’ny Oktobra dia mampiseho ny tampon’isa faha-15 nisesy tamin’ny mpitory 948. Nandany 15,1 ora tamin’ny antsalany teo amin’ny asa fanompoana ireo mpitory ireo.

Hong Kong: Nisy tampon’isa vaovao tratra tamin’ny Oktobra tamin’ny mpitory 2 704. Mahafinaritra ny mahita fa nitarika fampianarana Baiboly 4 043 izy ireo.

Jamaika: Vita tamin’ny 7 Novambra 1992 ny fitokanana ny Efitrano Fanaovana Fivoriambe voalohany any Jamaika, ka 4 469 no nanatrika izany.

Madagasikara: 10 694 no nanatrika ireo Fivoriamben’ny Distrika “Ireo Mpitondra Fahazavana” dimy, ka 241 no natao batisa tamin’izany. Avo roa heny noho ny tampon’isan’ny mpitory 4 542 izany isan’ny mpanatrika izany.