Inona avy Ireo Fandaharana Mialoha Ataonao ho Amin’ireo Volana ho Avy?
Rehefa mieritreritra momba ireo volana ho avy isika, dia mieritreritra momba ny vanin-taonan’ny main-tany sy ny fandaharana mba hanatrika fivoriamben’ny distrika ary ireo fandaharana mialoha ho amin’ny fialan-tsasatra mampiala voly na fitsidihana mahafinaritra havana aman-tsakaiza. Rehefa manao ireo fandaharanao mialoha ianao, dia indreto misy fampahatsiahivana vitsivitsy izay mety hanampy anao hihazona ny tombontsoan’ilay Fanjakana ho eo amin’ny toerana voalohany:
◼ Manaova fandaharana mialoha raikitra mba hanatrehana ny fivoriamben’ny distrika. Manaova fandaharana ho amin’ny fitaterana anao sy ny filasianao aloha be mba hanalavirana izay rehetra mety ho zava-manahirana.
◼ Raha ho any an-toeran-kafa ianao mba hiala sasatra, dia manaova fandaharana mialoha mba hanatrehana ireo fivorian’ny kongregasiona any an-toerana sy handraisana anjara amin’ny fanompoana. Ataovy azo antoka ny hamerina ireo tatitra amin’ny fanompoanao eny amin’ny saha; raha ilaina izany, dia alefaso paositra any amin’ny mpitan-tsoratry ny kongregasionanao izy ireo.
◼ Ny fitsidihana havana tsy ao anatin’ny fahamarinana dia mety hanome anao fahafahana hanao fanambarana tsy ara-potoana mahavokatra. Ataovy azo antoka ny hitondra ny Baibolinao sy tahirin-javatra vita an-tsoratra.
◼ Efa nieritreritra ny hanampy kongregasiona eo akaiky izay mila fanampiana amin’ny fiasana ny faritaniny ve ianao? Miresaha amin’ny loholona na amin’ny mpiandraikitra ny fizaran-tany mba hahazoana fanazavana momba ireo zavatra ilaina eo amin’ny faritra misy anao.
◼ Ny fialan-tsasatry ny sekoly dia manome fahafahana faran’izay tsara ho an’ny tanora mba hanitarany ny asa fanompoany. Ry tanora, afaka mirotsaka amin’ny asan’ny mpisava lalana mpanampy ve ianareo?
◼ Ireo loholona dia tokony ho mailaka hihazona ny asan’ny kongregasiona ho voalamina tsara, ka hanao fandaharana mba hisian’ny olona hiantsoroka ny andraikitr’ireo izay tsy ho eo.
Tadidio fa “ny [fanaovan’ny mazoto fandaharana mialoha, NW ] dia mampanan-karena”. (Ohab. 21:5). Manaova fandaharana mialoha mba handraisan-tsoa be indrindra amin’ireo fahafahanao hanao zavatra teokratika amin’ireo volana ho avy.