Fampahatsiahivana ho An’ny Fotoam-pialan-tsasatra
1 Maro amintsika no ho lavitra ny kongregasionantsika manokana amin’izao fotoam-pialan-tsasatra izao, ohatra rehefa handeha hanatrika ny fivoriamben’ny distrika. Raha tsy ho eo an-toerana isika amin’ny faran’ny volana iray, dia ho tiantsika ny tsy hanadino ny handefa ny filazana asantsika any amin’ny mpitantsoratry ny kongregasiona. Izany dia tokony hatao aloha tsara mba ho tafiditra ho anisan’ny filazana asan’ny kongregasiona amin’ny volana, izay atambatr’ilay mpitantsoratra sy alefany any amin’ny Fikambanana alohan’ny fahenin’ny volana manaraka, ny filazana asantsika.
2 Ho tiantsika koa ny ho mailaka hanararaotra ireo fahafahana hanao fanambarana tsy ara-potoana. Mety hipoitra ny fahafahana toy izany rehefa eo am-panaovana dia lavitra isika, na mitsidika havana, na miresaka amin’ny olon-kafa hitantsika. Moa ve isika mihevitra ireo fahafahana hanao fanambarana toy ny niheveran’i Jesosy azy? Tsy niahotra nanao fanambarana tsy ara-potoana izy. (Jaona 4:5-30). Ny apostoly Paoly koa dia ‘nanararaotra ny andro azony nanaovan-tsoa’ toy izany ary nahazo vokatra tsara dia tsara. (Efes. 5:16; Asa. 17:17; 28:30, 31; Kol. 4:5). Manaova fandaharana voafaritra tsara mba handraisana anjara amin’ny fanaovana fanambarana tsy ara-potoana. Aoka ianao ho vonona tsara hanana hevitra azo resahina sasany ary manàna gazety iray na taratasy mivalona iray mora raisina mba hanairana ny fahalianan’ny olona.
3 Amin’ny fanarahantsika amim-pitandremana ireo fampahatsiahivana ireo, dia hahazo antoka isika fa hampiasa amim-pahendrena ny fotoanantsika amin’izao fotoam-pialan-tsasatra izao ary hanome an’i Jehovah ny ‘voaloham-bokatsika’. — Ohab. 3:9.