Fivoriana Momba ny Fanompoana Amin’ny Jolay
Herinandron’ny 6 Jolay
10 min: Fampandrenesana eo an-toerana. Fampandrenesana nofantenana avy ato amin’ny Fanompoantsika Ilay Fanjakana. Asio firesahana ny tatitra momba ny fanompoana tamin’ny Martsa teto amin’ny nosy sy ny kongregasiona eo an-toerana. Vaovao Teokratika.
15 min: “Tsara dia Tsara Tokoa ny Hanatrehana Fivoriana Foana!” Fanontaniana sy valiny. Asio firesahana ny Mifohaza! (frantsay) 8 Jona 1988, pejy 19-21, mba hampirisihana ny tanora hanatrika tsy tapaka ireo fivoriana.
20 min: “Mila ny Mandre ny Vaovao Tsara ny Mpiara-belona Amintsika”. Asio mpitory mahay roa na telo mba handinika ny fanoloran-kevitra ho fampisehoana ny vitsivitsy amin’ireo bokikely izay misy ao amin’ny tahirin’ny kongregasiona. Hazavao hoe nahoana izy ireny no mety handaitra ao amin’ny faritany eo an-toerana. Antitrantero ny tanjona hanomboka fampianarana Baiboly amin’ny bokikely Takina na ny boky Fahalalana. Anaovy fampisehoana ny fitoriana voalohany arahina fiverenana mitsidika sy fanolorana fampianarana.
Herinandron’ny 13 Jolay
10 min: Fampandrenesana eo an-toerana. Tatitra momba ny kaonty. Ampirisiho ny rehetra handinika amim-pitandremana ny firotsahana ho mpisava lalana mpanampy mandritra ny volana Aogositra, izay hisy faran’ny herinandro dimy feno.
15 min: Zavatra ilaina eo an-toerana.
20 min: Manapoizina Anao ve ny Toe-tsain’izao Tontolo Izao? Lahateny ataon’ny loholona iray miorina amin’ny Tilikambo Fiambenana 1 Oktobra 1997, pejy 25-29.
Herinandron’ny 20 Jolay
8 min: Fampandrenesana eo an-toerana. Diniho ny faritra voafefy mitondra ny lohateny hoe “Iray Alina!”
12 min: “Fitsidihana Mety ho Fitahiana”. Resadresaka ifanaovan’ny loholona roa. Hazavao ny zava-kendren’ny asa fiandrasana, araka ny dinihina indray ao amin’ny Tilikambo Fiambenana 15 Septambra 1993, pejy 20-23. Ampirisiho amim-pitiavana ny kongregasiona mba hiandrandra ny fitsidihan’ireo loholona.
25 min: “Ny Fanompoan’ny Mpisava Lalana — Natao ho Anao ve Izy Io?” (Fehintsoratra 1-14). Manao fanamarihana fanokafana fohy ny mpiandraikitra ny fanompoana, ka mampirisika ny rehetra mba hieritreritra amim-pitandremana momba ny fanaovana ny asan’ny mpisava lalana maharitra. Avy eo izy dia mandinika ny fanontaniana voalohany, ka manisy fitenenana momba ny “Toe-tsain’ny mpisava lalana feno risi-po” ao amin’ny Diary 1998, pejy 103-104. Manatona azy eny amin’ny lampihazo mba hiara-mandinika ny fanontaniana faha-2 ny mpikambana roa na telo ao amin’ny kongregasiona izay za-draharaha amin’ny asan’ny mpisava lalana. Mifanakalo hevitra ny amin’ny fomba fijery mifanaraka amin’ny zava-misy sy azo ampiharina mahakasika ny fomba ahafahana manohan-tena ara-bola amin’ny maha mpisava lalana izy ireo. Avy eo dia tonga manampy ilay antokon’olona ny ray aman-dreny roa mba hiara-mandinika ny fanontaniana faha-3. Manome antony tsara ny amin’ny tokony handinihan’ny tanora amim-pitandremana ny fanompoana manontolo andro ho anton’asa izy ireo. Ampirisiho ny rehetra mba hanatrika ny Fivoriana Momba ny Fanompoana amin’ny herinandro manaraka, izay handinihana ireo fanontaniana sisa tavela.
Herinandron’ny 27 Jolay
15 min: Fampandrenesana eo an-toerana. Ampahatsiahivo ny rehetra hamerina ny tatitra momba ny fanompoana tamin’ny Jolay. Lazao ny fandaharam-panompoana ho an’ny faran’ny herinandro voalohany amin’ny Aogositra, ary ampirisiho ny rehetra mba handray anjara. Diniho ny “Fandaharana Vaovaon’ny Fivoriamben’ny Fizaran-tany”.
30 min: “Ny Fanompoan’ny Mpisava Lalana — Natao ho Anao ve Izy Io?” (Fehintsoratra 15-25). Lahateny sy fiaraha-midinika tarihin’ny loholona iray. Manaova fandaharana alohan’ny fotoana mba hisian’ny mpisava lalana sy ireo izay nanao ny asan’ny mpisava lalana tamin’ny lasa mba handray anjara amin’ny fitenenana avy amin’ny fo ho famaliana ny fanontaniana 4-5. Manamafy ny ilana fandaharam-potoana tsara sy ny fanarahana azy io izy ireo, ka manome ohatra azo ampiharina ny amin’ny fandaharam-potoam-panompoana isan-kerinandro izay tena mandaitra tokoa. Faranan’ilay loholona amin’ny lahateny manosika hanao zavatra izay mamaly ny fanontaniana faha-6 izany. Ny fanombohan’ny taom-panompoana amin’ny 1 Septambra dia fotoana tsara dia tsara ho an’ireo mpisava lalana vaovao mba hanombohana ny fanompoany manontolo andro. Misy fangatahana azo raisina any amin’ireo izay anisan’ny Komitin’ny Fanompoana ao Amin’ny Kongregasiona.