Vaovao Teokratika

◼ Ireo tany atsy Afrika Andrefana toa an’i Bénin, i Cameroun, i Côte d’Ivoire, i Ghana, i Liberia, ary i Nizeria dia samy nahatratra tampon’isa vaovao teo amin’ny mpitory tamin’ny Febroary.

◼ Mpitsoa-ponenana maro no niverina tany Liberia, ary misy tena hetaheta ny fahamarinana ao amin’io tany io. Ny mpitory nahatratra tampon’isa 2 286 dia nanao tatitra fampianarana Baiboly any an-tokantrano 6 277 tamin’ny Febroary.

◼ Nanana fitomboana 16 isan-jato teo amin’ny isan’ny mpitory i Macao raha oharina amin’ny salanisa tamin’ny taon-dasa, satria 135 no namerina tatitra tamin’ny Febroary.

◼ Samy nanao tatitra ny amin’ny tampon’isa vaovao teo amin’ny isan’ny mpitory ny avy any amin’ny Nosy Salomon, Fidji, Pasifika Atsimo, ary Tahiti, tamin’ny Febroary.

◼ Nahatratra tampon’isa vaovao tamin’ny mpitory 9 484 ny nosy Madagasikara, ka izany dia fitomboana 14 isan-jato raha oharina amin’ny salanisa tamin’ny taon-dasa. Nisy fampianarana Baiboly maherin’ny 20 000 nanaovana tatitra koa tamin’ny Febroary.