Fampandrenesana

◼ Zavatra atolotra amin’ny Febroary: Ny Tsiambaratelon’ny Fahasambaram-pianakaviana. Martsa: Fahalalana Izay Mitarika ho Amin’ny Fiainana Mandrakizay. Hanao ezaka manokana isika mba hanombohana fampianarana Baiboly. Aprily sy May: Gazety Ny Tilikambo Fiambenana sy Mifohaza! Azo atao ny manolotra famandrihana, rehefa liana ilay olona, amin’ny fiverenana mitsidika. Manolora boky Fahalalana na bokikely Takina, ho fikendrena ny hanomboka fampianarana Baiboly.

◼ Ny mpiandraikitra mpitantan-draharaha, na izay notendreny, dia tokony hanamarina ny kaontin’ny kongregasiona amin’ny 1 Martsa na haingana araka izay azo atao aorian’izay. Rehefa vita ilay izy, dia anaovy fampandrenesana ho an’ny kongregasiona, rehefa avy novakina ny tatitra momba ny kaonty manaraka.

◼ Tokony handinika ny asan’ny mpisava lalana maharitra rehetra ny mpitan-tsoratra sy ny mpiandraikitra ny fanompoana. Raha misy sahirana manatratra ny ora takina, dia tokony hanao fandaharana hanampiana azy, ireo loholona. Raha mila fanoloran-kevitra, dia jereo indray ny taratasy S-201 alefan’ny Fikambanana isan-taona. Jereo koa Ny Fanompoantsika Ilay Fanjakana Oktobra 1986, pejy 4 sy 5, fehintsoratra 12-20.

◼ Amin’ny asabotsy 12 May 2001, dia hikatona ny Betela, noho ny fanaovana fanadiovana fanao isan-taona. Tsy hisy fitsidihana ny toerana, na fakana zavatra vita an-tsoratra amin’io andro io.

◼ Rehefa mitory any amin’ny faritany tsy misy tompony ireo mpitory, dia mahazo manolotra ny boky Fahalalana na ny bokikely Takina. Azo atolotra izay zavatra vita an-tsoratra hafa rehetra, raha toa ka efa manana ireo boky roa ireo ilay tompon-trano. Tokony hitondra taratasy mivalona maro karazana ny rehetra, ho an’ireo tsy tratra an-trano na ireo olona tsy nandray zavatra vita an-tsoratra. Tokony hisy ezaka hatao mba hanolokoloana ny fahalianana, indrindra fa any amin’ny faritany tsy misy tompony izay mety hiasan’ny mpisava lalana manokana na tongan’ireo kongregasiona eo akaiky.