Fomba Fanolorana Gazety

Ny Tilikambo Fiambenana 15 Jona

“Miasa foana isika amin’ny androatokom-piainantsika. Mahafinaritra ny sasany izany, fa mahasorena ny hafa. Ahoana no hevitrao? [Avelao izy hamaly. Vakio avy eo ny Mpitoriteny 2:24.] Afaka manampy antsika hanana fomba fijery voalanjalanja momba ny asa ny Baiboly, ary miresaka izany ity gazety ity. Hazavainy ato koa ny fomba iatrehana ny adin-tsaina vokatry ny asa.”

Ny Tilikambo Fiambenana 1 Jolay

“Angamba ianao mahafantatra olona toa tafita, nefa mahatsapa fa misy zavatra tsy ampy eo amin’ny fiainany. Fantatrao ve hoe inona ilay zavatra tsy ampy tadiaviny? [Avelao izy hamaly. Vakio avy eo ny Matio 5:3.] Miresaka zavatra iray tena ilaina mba hahitana fiadanan-tsaina ity gazety ity. Tsy inona izany fa ny fifandraisana amin’Andriamanitra.”

Mifohaza! 8 Jolay

“Olana lehibe ny tsy fananana asa amin’izao fotoana izao, satria ifandrombahana ny asa. Misy fomba dimy hahitana asa ato amin’ity gazety ity. [Asongadino ireo lohatenikely amin’ny sora-matevina ao amin’ilay lahatsoratra hoe “Fomba Dimy Mora Ahitana Asa.”] Misy soso-kevitra maromaro azo ampiharina koa ato, mba hahatonga anao hateza amin’ny asanao.” Vakio ny Ohabolana 22:29, voasoratra eo amin’ny pejy 10.