Fomba Fanolorana Gazety

Ny Tilikambo Fiambenana 15 Jona

“Heverinao ve fa afaka ny ho sambatra isika, na dia manana olana aza? [Avelao izy hamaly.] Resahin’ity gazety ity ny amin’ny boky iray, misy tari-dalana afaka manampy tsara antsika hiatrika ny olana eo amin’ny fiainana. Hazavaina ato koa fa manome hery hiaretana, ny tena fanantenana.” Vakio ny Apokalypsy 21:3, 4.

Mifohaza! Jona

“Niharihary tamin’ireo loza nitranga vao haingana fa tena ilaina ny mankatò fampitandremana, sa ahoana ny hevitrao? [Avelao izy hamaly.] Resahin’ity lahatsoratra ity ny lesona noraisin’ireo olona tafavoaka velona tamin’ilay Rivo-doza Katrina. Resahina ato koa fa misy fampitandremana tokony harahintsika rehetra amin’izao andro izao.” Asongadino ilay lahatsoratra manomboka eo amin’ny pejy 14.

Ny Tilikambo Fiambenana 1 Jolay

“Mikorontana ity tontolo ity, ka maro no manontany tena hoe: ‘Nahoana no feno zava-manahirana toy izao ny fiainana? Raha misy Andriamanitra, nahoana izy no tsy manao zavatra mba hanafoanana ny fijaliana?’ Efa nieritreritra an’izany koa ve ianao? [Avelao izy hamaly.] Milaza ny valiny mazava omen’ny Baiboly momba ireo fanontaniana ireo ity gazety ity.” Vakio ny 2 Timoty 3:16.

Mifohaza! Jolay

“Mihamaro ankehitriny ny tokantrano mikorontana. Heverinao ve fa handray soa ny mpivady, raha mampihatra an’ity torohevitra avy amin’ny fanahy masina ity? [Vakio ny Efesianina 4:32, ary avelao izy hamaly.] Resahin’ity Mifohaza! ity ny amin’ireo toro lalan’ny Baiboly mandaitra hatramin’ny ela, ka hanampy anao hanana fanambadiana sambatra.”