Famerenana Amin’ny Sekolin’ny Fanompoana
Hodinihina am-bava amin’ny Sekolin’ny Fanompoana ireto fanontaniana ireto, ny herinandron’ny 29 Aogositra 2005. Hanao famerenana maharitra antsasak’adiny ny mpiandraikitra ny sekoly. Miorina amin’ny fanazavana tao amin’ireo anjara nanomboka ny herinandron’ny 4 Jolay ka hatramin’ny 29 Aogositra 2005 izy io. [Fanamarihana: Mila manao fikarohana ianao mba hahitana ny valiny, raha tsy misy loharanon-kevitra eo aorian’ilay fanontaniana.—Jereo ny Sekolin’ny Fanompoana, p. 36, 37.]
ZAVATRA TANDREMANA
1. Ahoana no hatao mba ho “fantatry ny rehetra fa mahay mandanjalanja” isika rehefa miresaka ny fanantenantsika? Ary nahoana izany no zava-dehibe? (Fil. 4:5; Jak. 3:17) [be p. 251 feh. 1-3, efajoro]
2. Nahoana no manampy antsika hifandray tsara amin’ny hafa ny mahafantatra hoe rahoviana no tokony handefitra? [be p. 253 feh. 1-2]
3. Nahoana no zava-dehibe ny fahaizana mampiasa fanontaniana, rehefa manampy ny olona hanjohy hevitra? [be p. 253 feh. 3-4]
4. Inona no tokony hatao raha tiantsika handresy lahatra ny famelabelarantsika? [be p. 255 feh. 1-4, efajoro; p. 256 feh. 1, efajoro]
5. Inona no tokony hotadidintsika raha te hampiasa porofo ivelan’ny Baiboly isika, mba hampisehoana fa azo ekena tsara izay lazain’ny Soratra Masina? [be p. 256 feh. 3-5, efajoro]
ANJARA No. 1
6. Inona no porofo manamarina fa tena nisy i Jesosy? [w 15/6/03 p. 4-7]
7. Ahoana no ‘hamonjen’ny vavan’ny marina azy’, ary ahoana no ‘haharetan’ny’ mpianakavin’ny marina? (Ohab. 12:6, 7) [w 15/1/03 p. 30 feh. 1-3]
8. Ahoana no ‘hamantarantsika hatrany izay sitrapon’i Jehovah’, satria tsy manao lisitry ny tokony hatao sy ny tsy tokony hatao ny Baiboly? (Efes. 5:17) [w 1/12/03 p. 21 feh. 3–p. 22 feh. 2]
9. Inona avy ireo toro lalan’ny Baiboly manampy ny olona hiatrika fahantrana na fahasahiranana ara-bola? [w 1/8/03 p. 5 feh. 3-6]
10. Fakan-tahaka i Jehovah, raha ny amin’ny fanomezana maimaim-poana. Inona no tokony ho vokatr’izany eo amintsika? (Matio 10:8) [w 1/8/03 p. 20-22]
FAMAKIANA BAIBOLY ISAN-KERINANDRO
11. Inona no dikan’ny anaran’ireo andry roa nantsoina hoe Jakina sy Boaza, teo am-baravaran’ny tempoly naorin’i Solomona? (1 Mpanj. 7:15-22)
12. Tsy nandika ny Lalàn’i Mosesy ve i Solomona rehefa nanome tanàna 20 tany Galilia ho an’i Hirama, Mpanjakan’i Tyro? (1 Mpanj. 9:10-13)
13. Inona no lesona tsoahintsika avy amin’ny tsy fankatoavan’ny “lehilahin’Andriamanitra” iray? (1 Mpanj. 13:1-25)
14. Ahoana no nampisehoan’i Asa mpanjakan’i Joda ny herim-pony ary inona no ianarantsika avy amin’izany? (1 Mpanj. 15:11-13)
15. Nahoana no tsy namaly ny vahoaka rehefa nasain’i Elia hanaraka an’i Jehovah na i Bala? (1 Mpanj. 18:21)