Famerenana Amin’ny Sekolin’ny Fanompoana
Hodinihina am-bava amin’ny Sekolin’ny Fanompoana ireto fanontaniana ireto, ny herinandron’ny 24 Aprily 2006. Hanao famerenana maharitra antsasak’adiny ny mpiandraikitra ny sekoly. Miorina amin’ny fanazavana tao amin’ireo anjara nanomboka ny herinandron’ny 6 Martsa ka hatramin’ny 24 Aprily 2006 izy io. [Fanamarihana: Mila manao fikarohana ianao mba hahitana ny valiny, raha tsy misy loharanon-kevitra eo aorian’ilay fanontaniana.—Jereo ny Sekolin’ny Fanompoana, p. 36, 37.]
ZAVATRA TANDREMANA
1. Nahoana isika no tokony hiato, isaky ny hifindra ho amin’ny hevitra hafa, nefa nahoana isika indraindray no tsy manao izany? [be p. 98, feh. 2-3]
2. Nahoana no ilaina ny miato, rehefa eny amin’ny fanompoana? [be p. 99, feh. 5–p. 100, feh. 4]
3. Nahoana no ilaina ny fanamafisan-kevitra, rehefa manao lahateny, ary ahoana no ahafahana manao azy io tsara? [be p. 101, feh. 1-5, efajoro]
4. Rehefa mamaky teny ampahibemaso isika, ahoana no ahafahantsika manamafy ireo hevitra fototra? [be p. 105, feh. 1-6]
5. Nahoana no tokony ho antonony tsara ny hamafin’ny feontsika, rehefa mampianatra isika, ary ahoana no amantarantsika izay mety tsara? [be p. 107-108]
ANJARA NO. 1
6. Ahoana no itovian’ny toe-javatra misy ny Kristianina ankehitriny sy izay nisy an’i Estera sy Mordekay, ary ahoana no anahafantsika ny ohatra navelany? [si p. 94, feh. 17]
7. Inona no noresahin’i Solomona tamin’ny hoe ‘zava-poana sy misambo-drivotra foana izany rehetra izany’? (Mpit. 2:11) [w 15/10/04, p. 4, feh. 3-4]
8. Inona no hanampy antsika ho tia an’Andriamanitra? (Marka 12:30) [w 1/3/04 p. 19-21]
9. Inona no mampiavaka ny harena ara-panahy sy ny harena ara-bakiteny? [w 15/10/04 p. 5-7]
10. Inona no hanampy antsika hihaino tsara, fa tsy ho voahelingelina, any amin’ny fivoriambe? [be p. 15-16]
FAMAKIANA BAIBOLY ISAN-KERINANDRO
11. Nahoana no nosaronana ny tarehin’i Hamana? (Est. 7:8)
12. Iza ilay fanahy nanan-kery teo amin’ny sain’i Elifaza? [w15/9/05 p. 26, feh. 2]
13. Milaza ve ny tenin’i Joba ao amin’ny Joba 7:9, 10 sy Joba 10:21 fa tsy nino ny fitsanganana amin’ny maty izy?
14. Inona no mety ho tian’i Joba holazaina tamin’ny hoe “Ny akanjo-nifiko ihany no hany sisa azoko enti-mandositra”? (Joba 19:20)
15. Inona no tian’i Joba holazaina tamin’ny hoe “Tsy hanaisotra amin’ny tenako ny tsy fivadihako aho”, ary inona no azontsika ianarana avy amin’izany? (Joba 27:5)