Hatsarao ny Fanompoanao: Mitadiava Fomba Hiverenana Mitsidika

Nahoana izany no tena ilaina? Rehefa mahita olona liana isika, dia te hitsidika azy amin’ny fotoana maha ao an-trano azy. Ho afaka hanondraka ny voan’ny fahamarinana nambolentsika isika amin’izay. (1 Kor. 3:6) Tokony hitady fomba hiverenana any amin’ilay olona àry isika, alohan’ny handehanantsika. Mila fantarintsika, ohatra, hoe rahoviana isika no ho afaka hiverina. Tsara koa ny mametraka fanontaniana hovaliana amin’ny manaraka. Tsy ho andrin’ilay olona amin’izay ny hiverenantsika. Raha voavaly ao amin’ilay boky na gazety nomentsika azy koa ilay fanontaniana, dia azo inoana fa hamaky izany izy. Ho mora kokoa ny miverina any amin’ilay olona raha mitady fomba hiverenana mitsidika isika. Efa voafidy mialoha mantsy ny foto-kevitra hodinihina, sady efa azon’ilay olona an-tsaina ny zavatra horesahina. Rehefa mihaona aminy indray isika, dia hazavaintsika hoe tonga isika mba hamaly an’ilay fanontaniana napetratsika. Tohizo avy eo ny resaka.