Tianao ho Tsara ve ny Valin-teninao?

Mampahery ny fiangonana ny valin-teny tsara. (Ro 14:19) Mandray soa koa ny olona manome azy ireny. (Oh 15:23, 28) Tokony hiezaka hanome valin-teny iray àry isika, fara fahakeliny, isaky ny mivory. Tsy voatery ho voatondro isika isaky ny manangan-tanana, ka tsara raha manomana valin-teny maromaro.

Tsara ny valin-teny raha...

• tsotra sy fohy ary mazava. Matetika izy io no azo atao ao anatin’ny 30 segondra na latsaka

• atao amin’ny fomba fiteny

• tsy mamerina ny valin-tenin’ny hafa

Raha voatondro hamaly voalohany ianao dia...

• valin-teny tsotra sy mivantana omena

Raha efa voavaly ilay fanontaniana dia...

• asehoy ny ifandraisan’ny andinin-teny voatonona amin’ny hevi-dehibe

• resaho hoe ahoana no azo ampiharana an’ilay fanazavana

• hazavao hoe ahoana no azo ampiasana an’ilay fanazavana mba hanampiana ny hafa

• milazà fitantarana fohy manasongadina ny hevi-dehibe