Ampiasao Tsara ny Sary ao Amin’ny Bokintsika

Feno sary mampita lesona lehibe ny boky sy gazetintsika. Ahoana no azonao ampiasana azy ireny mba handray soa faran’izay betsaka ianao?

• Jereo aloha ny sary, alohan’ny hamakianao lahatsoratra iray. Ireny mantsy no mety hahatonga anao hilendalenda te hamaky an’ilay izy. Hoatran’ilay ianao mahita sakafo matsiro ireny ihany, dia ny maso aloha no “manandrana” voalohany. Saintsaino àry hoe: ‘Inona no hitako?’​—Amosa 7:7, 8.

• Eritrereto ny antony nampiasana an’ilay sary rehefa mamaky an’ilay lahatsoratra ianao. Vakio ny soratra miaraka amin’ilay sary na ny fanazavana azy raha misy. Saintsaino ny ifandraisan’ilay sary amin’ilay foto-kevitra, sy hoe ahoana no azonao ampiharana ny lesona avy amin’ilay sary.

• Avereno jerena ny sary mba hanampiana anao hitadidy ny hevi-dehibe rehefa voavaky ilay lahatsoratra. Ezaho tadidina avy eo ilay sary sy ny hevi-dehibe miaraka aminy.

• Maninona raha mamerina mijery ny sary ato amin’ity gazety ity? Jereo raha tadidinao ny lesona nianaranao avy amin’izy ireny.