Avy Amin’ny Mpamaky

SIDA Tiako ny hisaotra anareo amim-pahatsorana noho ilay fitohitohizan-dahatsoratra hoe “Handresy ny SIDA ve Isika?” (8 Novambra 1998). Tena nahalalan-javatra tokoa izy io. Sivy ambin’ny folo taona aho, ary nampianarina zavatra maro momba ny SIDA sy ny VIH tany an-tsekoly sy tao an-tranonay, nefa mbola tsy nazava tsara tamiko ihany ilay izy. Nanampy ahy hahatakatra ny maha zava-dehibe ny hifidianako vady amim-pahendrena sy ny hananako fiainana madio ara-pitondran-tena izy io.

S. T., Etazonia

Tena nahalalan-javatra sy araka ny marina ary nilaza ny marina ireo lahatsoratrareo. Voan’ny SIDA aho, efa folo taona mahery izao. Misy namako mampianatra ahy Baiboly amin’ny alalan’ny zavatra vita an-tsoratrareo. Misaotra noho ny namoahanareo tsy amin-tahotra lahatsoratra toy ireny.

B. W., Etazonia

Tsy napetrako mihitsy ny gazety Mifohaza! raha tsy voavakiko hatramin’ny farany ireo lahatsoratra momba ny SIDA. Mbola tsy namaky lahatsoratra araka ny marina toy io mihitsy aho, momba io loha hevitra io. Ary zava-dehibe izany, satria mpitsabo mpanampy aho. Misaotra indrindra.

D. E., Alemaina

Velom-pankasitrahana aho noho ireo lahatsoratra ireo, satria ilay zanako lahy izay nandao ny lalana kristianina dia niverina nitondra SIDA efa vaky tanteraka. Tsara laza izy izao eo amin’ny ara-panahy, noho ny fanampian’i Jehovah. Tsy miovaova ny fahasalamany noho ny fitsaboana atao aminy. Fantatsika fa misy maro no efa voa, ary tsy mahalala izany akory. Tokony hieritreritra lalina ny amin’izany izay rehetra mikasa ny hanambady.

N. J., Etazonia