Fantatrao Ve?

(Hita ao amin’ireo andinin-tenin’ny Baiboly omena eto ny valin’ity fitsapam-pahalalana ity, ary aseho eo amin’ny pejy faha-22 ny lisitra feno misy ny valiny. Raha mila fanazavana fanampiny ianao, dia zahao ny boky “Étude perspicace des Écritures”, navoakan’ny Vavolombelon’i Jehovah.)

1. Inona no nametra ny Tany Nampanantenaina, tany avaratra, sady nahaforona ny toerana avo indrindra teny amin’ny nanodidina an’i Palestina? (Josoa 12:1)

2. Toetra inona, ananan’i Jehovah sady tsara hananan’ny olona, no tsy mariky ny fahalemena? (Salamo 18:35)

3. Miaramila asyrianina firy no matin’ny anjelin’i Jehovah tao anatin’ny indray alina? (2 Mpanjaka 19:35)

4. Iza no nandraraka menaka manitra lafo vidy teo amin’ny tongotr’i Jesosy izay nofafany tamin’ny volony nony avy eo? (Jaona 12:3)

5. Iza avy no anaran’ireo vehivavy hebreo mpampivelona izay tsy niraharaha ny baikon’i Farao hampamono ny zazalahy kely, ka nahazo ny fitahian’i Jehovah izy ireo mbamin’ny fianakaviany, avy eo? (Eksodosy 1:15-21)

6. Iza moa ilay mpanjakan’i Joda izay, na dia nanao ny tsy nety aza indraindray nandritra ny 41 taona nanjakany, dia noheverina ho anisan’ireo mpanjaka tsy nivadika? (1 Mpanjaka 15:14, 18)

7. Ao amin’ny faminaniana iray momba ny famerenana amin’ny laoniny, biby inona no voalaza fa “hihina-mololo tahaka ny omby”? (Isaia 65:25)

8. Nahoana ny lehilahy rehetra tao Sodoma, na antitra na tanora, no nanodidina ny tranon’i Lota? (Genesisy 19:4, 5)

9. Ho valin’ny vavaka nataon’i Samoela, inona no nampiasain’i Jehovah mba hampisafotofotoana ny Filistina, mba haharesy azy ireo? (1 Samoela 7:9, 10)

10. Antony inona no naroson’i Mosesy rehefa nangataka an’i Farao mba handefa ny Isiraelita izy? (Eksodosy 5:1)

11. Rantsan’ny hazo fihinam-boa inona no matetika ampiasaina ho mariky ny fiadanana? (Jereo ny Isaia 17:6.)

12. Iza amin’ireo boky dimy nosoratan’i Jaona ao amin’ny Baiboly no nosoratany voalohany?

13. Iza no lazain’ny ohabolana fa “satroboninahitry ny lahy”? (Ohabolana 12:4)

14. Iza moa no mendrika ny hahazo valim-pitia avy tamin’i Davida Mpanjaka, nefa nanda izany, noho izy efa 80 taona? (2 Samoela 19:32-37)

15. Firy ny isa ara-panoharana mampiseho ireo anjely voalaza fa voafitak’i Satana? (Apokalypsy 12:4)

[Efajoro, pejy 22]

Valin’ny Fitsapam-pahalalana

1. Tendrombohitra Hermona

2. Fahamoram-panahy na fanetren-tena

3. 185 000

4. Maria, rahavavin’i Marta sady anabavin’i Lazarosy

5. Sifra sy Poa

6. Asa

7. Liona

8. Naniry hametaveta ireo anjely nivahiny tao amin’i Lota izy ireo

9. Kotrok’orana

10. Mba hahafahan’izy ireo hankalaza andro firavoravoana ho an’i Jehovah tany an’efitra

11. Ny hazo oliva

12. Fanambarana na Apokalypsy

13 “Ny vehivavy tsara”

14. Barzilay, ilay Gileadita avy any Rogelima

15. Ampahatelony