Avy Amin’ny Mpamaky

Lahatsoratra Mamonjy Aina Nitsidika lehilahy iray nantsoina hoe Lenny izahay. Nilaza izy fa namonjy ny ain’ny zana-drahalahiny ilay lahatsoratra hoe “Dengue—Fanaviana avy Amin’ny Kaikitra.” (8 Aogositra 1998) Efa andro maromaro ilay zaza no nanavy, ary nisy nibontsimbontsina kely tamin’ny hodiny. Tsy niraika anefa ny ray aman-dreniny fa nihevitra ilay izy ho kitrotro fotsiny. Tsaroan’i Lenny ilay lahatsoratra ka nojereny indray ilay gazety, ary novakiny ny momba ireo soritr’aretin’ny dengue. Nandresy lahatra ireo ray aman-dreny izy, mba hitondra an’ilay zaza tany amin’ny hopitaly. Nohamafisin’ny dokotera fa tena voan’ny dengue mampivoa-dra tokoa ilay zaza. Nidera ny Mifohaza! i Lenny noho ny namonjeny ilay zana-drahalahiny, ary nanaiky hianatra Baiboly izy tatỳ aoriana.

J.M.L., Philippines

Mangala-dia Amin’ny Alina Misaotra anareo noho ilay lahatsoratra hoe “Manontany ny Tanora Hoe... Fa Inona no Maha Ratsy ny Mangala-dia Amin’ny Alina?” (8 Martsa 2001) Mampalahelo ahy ireo tanora kristianina tsy dia malina loatra. Nangala-dia tamin’ny alina mba hamonjy alim-pandihizana ny ankizivavy iray ka nisy nametaveta, ary tsy nisy namonjy azy. Mba ampitandremo foana re ireo tanorantsika e!

J. N., Etazonia