4. Efa Nataon’Andriamanitra Hijaly ve Isika?
Zava-dehibe ny valin’izany
Misy vokany eo amin’ny fomba fahitantsika ny fiainana ny valin’io fanontaniana io.
Eritrereto izao
Mitombina ve hoe nanao zavatra tsara be dia be eto an-tany Andriamanitra, dia ny olombelona nataony nijaly?
Lasa mieritreritra ny olona tsy mpivavaka hoe matoa isika mijaly, dia mety hoe ratsy fanahy Andriamanitra na tsy misy akory. Mieritreritra izy ireo hoe: 1) Tsy manana hery hanafoanana ny fijaliana Andriamanitra, na 2) tsy tiany hofoanana ilay izy, na 3) tsy misy Andriamanitra.
Ireo ihany ve anefa no mety ho antony mahatonga antsika hijaly?
FANAZAVANA FANAMPINY
Jereo ao amin’ny jw.org/mg ilay video hoe Tena Marina ve Izay Lazain’ny Baiboly?
Inona no lazain’ny Baiboly?
Tsy nataon’Andriamanitra hijaly isika.
Tiany hankafy fiainana isika.
“Tsy misy mahasoa [ny olona] mihoatra noho ny mifaly sy manao izay tsara mandritra ny androm-piainany. Ary fantatro koa fa tokony hihinana sy hisotro ary hifaly noho ny asa mafy nisasarany ny olona rehetra. Fanomezana avy amin’Andriamanitra izany.”—MPITORITENY 3:12, 13.
Rehefa namorona an’i Adama sy Eva Andriamanitra, dia nomeny an’izay rehetra nilainy izy ireo mba hahasambatra azy.
Tsy nataon’Andriamanitra hijaly mihitsy izy ireo sy ny taranany.
Niteny tamin’izy ireo Andriamanitra hoe: “Manàna taranaka, ary mihabetsaha ka mamenoa ny tany. Anjakao ny tany.”—GENESISY 1:28.
Nifidy ny tsy hankatò an’Andriamanitra i Adama sy Eva.
Lasa nijaly be izy mivady sy ny taranany noho izany.
“Koa tahaka ny nidiran’ny ota avy tamin’ny olona iray ho amin’izao tontolo izao, ary avy tamin’ny ota no nidiran’ny fahafatesana, ka niely tamin’ny olona rehetra ny fahafatesana, satria samy efa nanota izy rehetra.”—ROMANINA 5:12.a
Tsy noforonin’Andriamanitra hitondra samirery ny fiainany ny olona.
Tsy natao hifampitondra mihitsy isika olombelona, hoatr’antsika tsy natao hiaina any anaty rano ihany.
“Tsy natao hitondra samirery ny fiainany ... ny olona.”—JEREMIA 10:23.
Tsy tian’Andriamanitra hijaly isika.
Mampianatra antsika izy, amin’izay isika tsy dia manana olana.
“Raha mitandrina ny didiko tokoa mantsy ianao, dia ho toy ny renirano ny fiadananao.”—ISAIA 48:18.
a Tsy ny zavatra ratsy ataon’ny olona ihany no atao hoe “ota” ao amin’ny Baiboly. Milaza koa izy io hoe nandova ota daholo ny olombelona rehetra.