ANTILOPA

[Heb.: dishôn].

Biby mandinika sy mivaky kitro anisan’ireo biby azon’ny Israelita nohanina. Ao amin’ny Deoteronomia 14:5 ihany no miresaka azy io. Tsy tena fantatra hoe inona ilay biby atao hoe dishôn (heb.).

Lazaina matetika fa ny antilopa adaksa (Addax nasomaculatus) izay mbola misy any an-tany efitr’i Afrika Avaratra ilay dishôn resahin’ny Soratra Hebreo. Mirefy 1 m eo ho eo ny haavony hatreo amin’ny hatony. Afaka mandeha tsara eny ambony fasika io antilopa io satria mivelatra sy mivaky ny kitrony. Mahavita tsy misotro rano ela be koa izy io. Mirefy 1 m eo ho eo ny tandrony izay misabaka sady miolanolana toy ny visy, ka misy miolaka indray mandeha, indroa, na intelo. Fotsy vasobasoka ny lokon’ilay antilopa nefa mihamatroka rehefa ririnina ka lasa somary mivolontsôkôlà, afa-tsy ny kibony, rambony, vodiny sy tongony aoriana, ary ny soratsoratra fotsy amin’ny tavany. Mety ho ny antilopa arabo (Oryx leucoryx) fahita any an-tany efitra koa ilay hoe dishôn.