ARIOKA

(Ariôka).

1. Ilay mpanjakan’i Elasara nandray anjara tamin’ny fampitsaharana ny fikomian’i Sodoma sy Gomora sy ireo mpiray dina taminy. Niaraka tamin’i Kedorlaomera sy ny mpanjaka roa hafa izy tamin’io, ary nentin’izy ireo ho babo i Lota sy ny ankohonany. Nanenjika azy ireo i Abrahama ka nahatratra azy ireo. Resiny i Arioka sy ireo mpiray dina taminy, ka novonjeny i Lota. (Ge 14:1-16; jereo KEDORLAOMERA.) Tsy fantatra mazava ny toerana nisy an’i Elasara.​—Jereo ELASARA.

2. Lehiben’ny mpiaro an’i Nebokadnezara. Nasaina namono ny olon-kendry rehetran’i Babylona i Arioka. Tsy vitan’izy ireo mantsy ny namantatra ny nofin’ny mpanjaka sy nilaza ny hevitr’ilay nofy. Raha vao hitan’i Arioka hoe fantatr’i Daniela ilay nofy, ary vonona hilaza ny heviny izy, dia “nentin’i Arioka haingana teo anatrehan’ny mpanjaka i Daniela.”​—Da 2:12-25.