BESORA, LOHASAHA FALEHAN-DRIAKAN’I

(Besora).

Ny 1 Samoela 30 ihany no miresaka an’io lohasaha falehan-driaka io. Nanenjika an’ireo Amalekita mpandroba, izay nanafika sy nandoro ny tanànan’i Ziklaga i Davida tamin’izay. (1Sa 30:1, 10, 21) Toa nitodi-doha nianatsimo nody tany Negeba ireo mpandroba, saingy tsy voalaza ny lalana narahiny. Tsy tena fantatra àry hoe taiza no nisy ny lohasaha falehan-driakan’i Besora. Teo amin’io lohasaha io no nijanona ireo 200 lahy reraka loatra tamin’ny tafik’i Davida. Maro anefa no mihevitra azy io ho ny Lohasaha Falehan-driaka Gazzeh (Nahal Besora), izay lohasaha midadasika any atsimoandrefan’i Ziklaga, ary tonga hatrany amin’ny faritry ny Ranomasina Mediterane any atsimon’i Gaza.

Nasain’i Davida nomena tamin’ny zavatra azo babo koa ireo miaramila niambina entana teo amin’ilay lohasaha, rehefa resy ny Amalekita. Efa nilaza izany toro lalana izany i Jehovah tao amin’ny Nomery 31:27, taorian’ny nandresen’ny Israelita ny Midianina. Azo inoana fa nanaraka izany i Davida ary “napetrany ho fitsipika sy didim-pitsarana ho an’ny Israely izany” nanomboka teo.​—1Sa 30:21-25.