KALNO

(Kalnò).

Anisan’ny tanàna nireharehan’ny Asyrianina fa ho resiny sy tsy hahatohitra azy, araka ny hita ao amin’ny faminanian’i Isaia. (Is 10:5, 9-11) Mihevitra ny ankamaroan’ny manam-pahaizana fa fomba hafa anoratana ny hoe Kalne ny hoe Kalno. (Am 6:2) Ampiarahin’ny Baiboly i Kalno sy Karkemisy ka mifanaraka amin’ny toerana nolazaina fa nisy an’i Kalne izany. Voalaza mantsy fa i Kalne dia ilay Kollani, eo anelanelan’i Karkemisy sy Alep, ary resahin’ny asa soratra asyrianina. Nandresy an’io Kollani io i Tiglato-pilesera III, velona tamin’ny andron’i Menahema mpanjakan’ny Israely.