TONGOLO LAY

[Heb.: shomim (mr)].

Zavamaniry misy vodiny (Allium sativum) maniry mandavantaona, mahery fofona, masiatsiaka, ary misy hasiny 20 eo ho eo ny vodiny iray. Misy bokony kely be dia be sy voninkazo tsy misy afa-tsy lahimbony ny tahony (mety ho 30 sm na mahery).

Be mpamboly tongolo lay tany Ejipta fahiny. Nanembona ny tongolo lay nohaniny tany àry ny olona samihafa firenena sy ny Israelita tany an-tany efitra. (No 11:4, 5) Misy soratra milaza fa anisan’ny sakafo nomena an’ireo mpiasa nanorina piramida iray izy io, hoy i Hérodote (II, 125), Grika mpahay tantara. Mbola mampiasa betsaka azy io ny mponin’ny faritr’i Mediterane. Nilaza ny tenany ho mpihinana tongolo lay ny Jiosy ao amin’ny Mishnah. (Nedarim 3:10) Matetika no atao fandevonan-kanina, antibiotika, ary fitsaboana hozatra mikainkona izy io.