GENESARETA

(Genesarèta).

1. Tany lemaka kely somary miendrika telolafy, teo amin’ny morony avaratrandrefan’ny Ranomasin’i Galilia. Tokotokony ho 5 km ny lafiny iray ary 2,5 km ny lafiny hafa. Nanao asa fanasitranana mahagaga i Jesosy Kristy tany amin’iny faritra iny. (Mt 14:34-36; Mr 6:53-56; SARY, Boky Faha-2, p. 739) Nilaza i Josèphe, Jiosy mpahay tantara, fa tsara tarehy io tany lemaka io, namokatra be, ary ampy rano, ka nahitana noaie (hazo mamoa voa toy ny voanjo), palmie, oliva. Nilaza koa izy fa nisy aviavy sy voaloboka foana tany nandritra ny folo volana tao anatin’ny taona.​—Ny Adin’ny Jiosy, III, 516-521 (x, 8).

2. “Farihin’i Genesareta” koa no niantsoana ny Ranomasin’i Galilia. (Lk 5:1) Misy manam-pahaizana mihevitra fa mety ho teny grika mifanitsy amin’ilay anarana hebreo fahiny hoe Kinereta ny hoe Genesareta.​—No 34:11; jereo GALILIA, RANOMASIN’I.