RENIAKOHO

[Gr.: ôrnis].

Toa tsy miresaka akoho nompiana (Gallus domesticus) ny Soratra Hebreo. Ao amin’ny Soratra Grika Kristianina kosa i Jesosy Kristy nampitaha ny tenany tamin’ny reniakoho manangona ny zanany ao ambany elany, noho izy te hanangona ny mponin’i Jerosalema be di-doha. (Mt 23:37; Lk 13:34) Anarana iombonana mety hilazana vorona fiompy na tsia ny hoe ôrnis (gr.) eo. Reniakoho anefa ny hoe ôrnis amin’ny teny grika atenianina fahiny, satria io no vorona be mpiompy indrindra. Niompy akoho koa ny tany Palestina tamin’ny andron’i Jesosy, matoa izy niresaka ankizy nangataka atody tamin-drainy.​—Lk 11:11, 12; jereo AKOHOLAHY.

Nisy lalàn’ny raby nandrara ny fihinanana atody tamin’ny andro Sabata, satria niasa, hono, ilay reniakoho rehefa nanatody. Ny lalàna hafa indray tsy nandrara izany, raha natao hohanina fa tsy hanatody ilay reniakoho. (Talmoda babylonianina, Bezah 2a, b) Tsy misy fitsipika toy izany anefa ao amin’ny Baiboly.