JEHOVAH MIHITSY NO AO

Io no nandikana ny hoe Yehvah Shammah, anaran’ilay tanàna hitan’i Ezekiela mpaminany tao amin’ny fahitana tantarainy ao amin’ny toko faha-40 ka hatramin’ny faha-48. (Ezk 48:35) Voalaza fa efamira ilay tanàna tao amin’ny fahitana (4500 hakiho ny lafiny iray [2331 m]), sady manana vavahady 12, ary misy anaran’ny fokon’ny Israely iray avy ny vavahady tsirairay. (Ezk 48:15, 16, 31-34) “An’ny taranak’Israely rehetra” ilay tanàna. (Ezk 45:6) Ilay anarana hoe Jehovah-sama, na “Jehovah Mihitsy no Ao”, dia midika fa toy ny hoe manatrika eo Andriamanitra. Izany no asehon’ny andininy toy ny Salamo 46:5; 132:13, 14; Isaia 24:23; Joela 3:21; ary Zakaria 2:10, 11, izay milaza hoe mipetraka ao amin’ny tanàna na toerana iray eto an-tany i Jehovah, nefa na “ny lanitry ny lanitra aza tsy omby” azy.​—1Mp 8:27; jereo koa MPIADIDY.