MADAY

(Madày).

1. Voatonona fahatelo amin’ireo zanakalahin’i Jafeta. (Ge 10:2; 1Ta 1:5) Azo inoana fa izy no razamben’ny Medianina. Izany no nahatonga ny teny hebreo Madai hadika hoe “Medianina” na “Media” ao amin’ny 2 Mpanjaka 17:6; 18:11; Estera 1:3; Isaia 13:17; 21:2 ary ny andininy hafa. Madaia koa no nilazana ny Medianina tamin’ny teny asyrianina-babylonianina (akadianina), fa Mada kosa tamin’ny teny persianina tranainy. Nanorim-ponenana teo amin’ny Lembalemban’i Iran izy ireo fahiny, ka teo anelanelan’ny Tendrombohitra Elbourz (atsimon’ny Ranomasina Caspienne) sy ny Tendrombohitra Zagros eo atsinanan’i Asyria no nisy azy voalohany. Avy amin’ilay teny hoe “Aryanina” ilay anarana hoe Iran. Nantsoina hoe Aryanina ny taranak’i Jafeta.

2. [fanafohezana ny hoe Madia]. Israelita anisan’ireo “taranak’i Bany” nanambady vehivavy hafa firenena, nefa nandroaka an’ireny tamin’ny andron’i Ezra, taorian’ny niverenan’ny Jiosy avy tany an-tsesitany tany Babylona.​—Ezr 10:25, 34, 44.