FIANDRILAVENONA

[Heb.: ʼôrôt na ʽôhrôht].

Zavamaniry mandady lava taho, ary somary boribory minifintsofa ny raviny. Maherin’ny 1 sm ny savaivon’ny voninkazony manga tanora na fotsy, ary fisaka boribory ny voany maditidity.

“Fiandrilavenona” no nandikana ny hoe ʼôrôt (heb.) (2Mp 4:39; Is 26:19), izay heverina fa endriny milaza maro amin’ny hoe ʼôhrah (“hazavana”). (Es 8:16; Sl 139:12) Fiandrilavenona (Malva rotundifolia) ilay ʼôrôt, hoy i L. Koehler sy W. Baumgartner. (Lexicon in Veteris Testamenti Libros, Leyde, 1958, p. 90) Hazavana kely fotsiny mantsy dia efa ampy azy, ka izany angamba no niantsoana azy hoe ʼôrôt na ʽôhrôht (“hazavana-[ahitra]”). Fihinana koa ny voany, ka mifanaraka amin’ny voalazan’ny 2 Mpanjaka 4:39.​—SARY, Boky 1, p. 543.