MPAMPINONO, MPITAIZA

Mehneket no teny hebreo nadika hoe mpampinono, ary nilazana vehivavy nampinono ny zanaky ny vehivavy hafa izy io. (Ge 24:59; 35:8; Ek 2:7; 2Mp 11:2; 2Ta 22:11; Is 49:23) Mpampinono an’i Rebeka, ohatra, i Debora fa lasa mpanompovaviny na mpitaiza azy kosa tatỳ aoriana, ary na efa maty aza i Rebeka dia mbola nanompo an’ilay fianakaviana foana izy. (Ge 24:59, 67; 35:8) Ny mpitaiza kosa mety ho lehilahy (heb.:ʼômen; No 11:12; Is 49:23), na vehivavy (heb.: ʼômenet; 2Sa 4:4). Samy afaka nikarakara sy nitaiza ankizy na marary na zokiolona ny lehilahy sy ny vehivavy. Nitaiza an’i Obeda zafikeliny i Naomy na dia efa antitra aza. Nikarakara an’i Davida Mpanjaka kosa i Abisaga, ilay virjiny tsara tarehy.​—Rt 4:13, 16, 17; 1Mp 1:1-4.

Nilaza i Paoly ao amin’ny 1 Tesalonianina 2:7 fa toy ny “reny mampinono” (gr.: trôfôs) izy sy ny namany. Nalemy fanahy tamin’ireo Kristianina tany Makedonia mantsy izy ireo.