OHOLIBA

(Ôhôlìba) [Ny Tranolay [Fivavahako] dia ao Aminy].

Vehivavy mpivaro-tena an’ohatra iantsoan’ny Ezekiela toko faha-​23 an’i Jerosalema, noho izy nivadika tamin’i Jehovah. Tao aminy no nisy ny tranolay masin’i Jehovah, ka toa avy amin’izay ilay anarana rehefa jerena ny dikany. (Ampit. OHOLA.) Tsy nankasitraka an’io toerany io anefa izy, sady tsy naka lesona avy tamin’ny sazy nanjo an’i Ohola (Samaria) rahavaviny izay nivadika tamin’i Jehovah. Mbola naloto fitondran-tena toy ny tany Ejipta ihany i Oholiba, sady vao mainka aza nanao ratsy kokoa noho i Ohola rahavaviny. Nanompo sampy be izy ary nifandray akaiky tamin’ny Asyrianina sy ny Babylonianina. Ireo lehilahiny ireo ihany anefa no nivadika taminy. Efa voalaza, ohatra, fa hanafika azy ny Babylonianina ka lasa “hatahoran’ny olona” ny nanjo azy.