TARATASY FANORATANA

Akora avy tamin’ny karazan-jozoro (papyrus) izay nofisahina mba ho azo anoratana, fahiny.​—Jereo ZOZORO.

Ny Ejipsianina no heverina fa voalohany nanamboatra taratasy fanoratana, avy tamin’ireo papyrus naniry teny amoron’ny Reniranon’i Nil. Efa hatramin’ny andron’i Abrahama izy ireo no nahavita izany, hoy ny mpikaroka sasany.

Papyrus no nanaovana ny taratasy sy horonana ary kôdeksa nampiasain’ny Kristianina voalohany. Io koa no tena nanoratana ny Baiboly sora-tanana, fa tamin’ny taonjato fahefatra izy io vao nosoloana hodi-biby malefaka. Nilaza ny apostoly Jaona fa naleony noresahina “mifanatrika” ilay hafatra tiany hampitaina, toy izay nosoratana ‘tamin’ny taratasy sy ranomainty.’ (2Jn 12) Kartes (gr.) no nadika hoe ‘taratasy’ eo, ary ravin-taratasy papyrus, hono, no dikany.